سابق ہندوستانی وزیر داخلہ اور تجربہ کار کانگریس کے رہنما پی چدمبرم نے کہا ہے کہ بھارت کشمیر کو کھو چکا ہے۔

نئی دہلی میں ایک انٹرویو کے دوران انہوں نے کہا کہ ہم نے عملی طور پر کشمیر کو کھو دیا ہے کیونکہ کوئی جمہوری ملک اس طرح  پوری آبادی کو اتنے لمبے عرصے تک محاصرے میں نہیں رکھ سکتا ہے۔

انہوں نے کہا کہ جموں وکشمیر میں بنیادی تبدیلیاں دیکھتے ہوئے بی جے پی حکومت نے ’آئینی بے حرمتی‘ کا ارتکاب کیا ہے۔

چدمبرم نے کہا کہ آج وادی کشمیر کے پرسکون ہونے کے بارے میں حکومت کے دعوے ایک  فریب کے سوا کچھ نہیں ہے۔

ایک دن آئے گا جب ہندوستان کا کشمیر میں جاری ظلم ختم ہو گا، مشعال ملک

انہوں نے مشورہ دیا کہ مسئلہ کشمیر کے حل کے لئے پہلا قدم وہ ہے کہ بھارت، کشمیر کے لوگوں کو بات چیت میں شامل کریں اور پاکستان کے ساتھ دو طرفہ بات چیت میں مشغول ہوں۔

دوسری جانب ہتھوڑے ، سلاخوں ، ڈریگروں ، لاٹھیوں اور پتھروں سے لیس ، حکمران بھارتیہ جنتا پارٹی سے وابستہ گنڈوں نے نئی دہلی کے جواہر لال نہرو یونیورسٹی کیمپس میں توڑ پھوڑ کی اور دہلی پولیس کے ساتھ طلباء اور اساتذہ پر وحشیانہ حملہ کیا اور حملہ آوروں کی مکمل حمایت کی۔

دہلی کے اسپتالوں میں 30 شدید زخمیوں سمیت درجنوں زخمی طلباء کو داخل کیا گیا۔

سابق ہندوستانی وزیر داخلہ اور تجربہ کار کانگریس کے رہنما پی چدمبرم نے کہا ہے کہ بھارت نے کشمیر سے شکست کھائی ہے۔

واضح رہے کہ اس سے قبل وزیراعظم عمران خان  نے کہا ہے کہ بھارت نے مقبوضہ کشمیر پر72 سال سے زائد عرصے سے غیرقانونی قبضہ کررکھا ہے، بھارتی فوج نے مقبوضہ کشمیر کو دنیا کی سب  سے بڑی جیل میں تبدیل کردیا۔

وزیراعظم عمران خان نے  کشمیریوں کے خود ارادیت کے حق میں  قرار داد کے 71ویں سال کے موقع پر اپنے ایک پیغام میں کہا کہ  ہر سال 5 جنوری کو ہم کشمیریوں کے بنیادی انسانی حقوق کو برقرار رکھنے کے عزم کا اعادہ کرتے ہیں،اس دن آزادانہ رائے شماری کے ذریعے کشمیریوں کو حق خودارادیت دینے کاعہد کیاگیا۔

وزیراعظم نے کہا کہ  یہ دن عالمی برادری خصوصاً اقوام متحدہ کو  کشمیریوں سے کیا وعدہ یاد دلاتا ہے کہ حق خود ارادیت کے حصول تک پاکستان کشمیری عوام  کی اخلاقی ،سیاسی ، سفارتی  مدد جاری رہے گی۔