چینی وزارت خارجہ نے اپنے بیان میں کہا ہے کہ عالمی ادارہ صحت کو وبا پر قابو پانے کیلئے چین کے اقدامات پر اعتماد ہے۔

تفصیلات کے مطابق چینی وزارت خارجہ کی خاتون ترجمان ہوا چنینگ نے بریفنگ کے دوران کہا کہ وباء کے خاتمہ کی کوششوں میں پاکستان ہمارے ساتھ کھڑا ہے جو پروازوں اور ادویات کے حوالہ سے مدد کررہا ہے ۔

انہوں نے کہا کہ چین اور پاکستان آہنی دوست ہیں جن میں باہمی مددکی اچھی روایت موجودہے۔

انکا کہنا تھا کہ وبا کے خاتمہ کی کوششوں میں پاکستان ہمارے ساتھ کھڑا ہے جو پروازوں اور ادویات کے حوالہ سے مدد کررہا ہے ، چین اور پاکستان پکے دوست ہیں جن میں باہمی مددکی اچھی روایت موجودہے۔

 انہوں نے کہا کہ چین پاکستانیوں کی صحت کے تحفظ کے لئے پاکستان کے ساتھ قریبی رابطہ اور تعاون سے کام کرے گا کرونا وائرس کے خاتمہ کے سلسلہ میں وزیر اعظم عمران خان اور وزیر خارجہ شاہ محمود قریشی کے بیانات کے حوالے سے انہوں نے کہا کہ بلاشبہ پاکستان کے وزیر اعظم اور وزیر خارجہ نے وائرس کے خاتمہ کی کوششوں میں چین کی ٹھوس حمایت اورتعریف کی ہے جنہوں نے چین میں پاکستانی شہریوں کی مدد پر بھی چینی حکومت اور عوام کی تعریف کی ہے ۔

عالمی ادارہ صحت پاکستان میں کورونا وائرس کا پھیلاؤ روکنے کے لیے میدان میں آگیا

اس گھڑی میں پاکستان کے عوام اپنے چینی بھائیوں کے ساتھ مستحکم طورپر کھڑے ہیں۔

ہواچنینگ نے کہا کہ پاکستان کی طرح دیگر ممالک نے بھی چین کے ساتھ مکمل اعتماد کا اظہار کیا ہے جن کا ہم شکریہ ادا کرتے ہیں چینی وزارت خارجہ کی ترجمان نے کہا کہ ہم وباء کے خاتمہ کے لئے پر امید ہیں اور اس کی پوری صلاحیت رکھتے ہیں۔

واضح رہے کہ اس سے قبل عالمی ادارہ صحت نے کروناوائرس سے بچائو کیلئے پاکستان کوضروری معاونت فراہم کی ہے۔

اس معاونت میں تکنیکی رہنمائی، لیبارٹری کی مدد کے ساتھ سکریننگ کے آلات اور وفاقی اور صوبائی سطح پرنوول کروناوائرس کے کینسرسے نمٹناشامل ہے۔عالمی ادارہ صحت کے مطابق انفراریڈتھرموگنزبھی فراہم کی گئی ہیں جن سے کروناوائرس کی نشاندہی کیلئے فردکوچھوئے بغیرٹمپریچرمعلوم کیاجاسکے گا۔