ممبئی میں ایک اوبر ڈرائیور شہریوں سے متعلق انسداد (ترمیمی) ایکٹ (سی اے اے) کے احتجاج پر فون پر گفتگو سننے کے بعد ایک مسافر کو پولیس اسٹیشن لے گیا۔

انڈیا کے شہر ممبئی میں ایک ٹیکسی ڈرائیور نے مسافر کو اس لیے پولیس سٹیشن پہنچا دیا کیونکہ وہ سفر کے دوران متنازع شہریت کے قانون کے خلاف موبائل فون پر کسی سے بات کر رہا تھا۔

انڈین نیوز ایجنسی کے مطابق ایک سماجی کارکن کویتا کرشنن نے شاعر اور سماجی کارکن بپا دیتیا سرکار کے پولیس سٹیشن جانے کے بارے میں ایک ٹویٹ کے ذریعے مطلع کیا۔

Last night, poet @Bappadittoh had a scary episode in Mumbai, at the hands of an @Uber driver and @MumbaiPolice cops (see screenshots): a glimpse of scary India under NPR NRC CAA, where every person will be incentivised to suspect & turn in others & police can harass everyone. pic.twitter.com/OOKUB58BxK

Advertisement

— Kavita Krishnan (@kavita_krishnan) February 6, 2020

کویتا کے مطابق بپا دیتیا سرکار نے انہیں بتایا کہ انہوں نے ممبئی میں جوہو سے کُرلا جانے کے لیے رات 10 بجے اوبر کیب بُک کروائی۔

سفر کے دوران وہ موبائل فون پر اپنے کسی دوست کے ساتھ شاہین باغ میں جاری مظاہرے میں لگنے والے نعرے ’لال سلام‘ کے بارے میں بات کر رہے تھے۔

اوبر ڈرائیور نے یہ گفتگو سننے کے بعد ایک جگہ پر گاڑی کھڑی کی اور مسافر کو کہا کہ وہ اے ٹی ایم سے رقم نکلوا کر آ رہے ہیں، لیکن وہ اپنے ساتھ دو پولیس اہلکاروں کو لے آئے جنہوں نے مسافر سے یہ پوچھنا شروع کر دیا کہ ان کے پاس موسیقی کا آلہ ’ڈفلی‘ کیوں ہے اور وہ کہاں سے ہیں؟

مسافر نے جواب دیا کہ ان کا تعلق جے پور سے ہے اور وہ شاہین باغ میں جاری احتجاجی مظاہرے سے ہو کر آ رہے ہیں جہاں وہ ڈفلی بجا کر نعرے بازی کر رہے تھے۔

مبینہ طور پر ڈرائیور نے پولیس کو کہا کہ مسافر کو گرفتار کر لیں کیونکہ وہ فون پر کہہ رہے تھے کہ وہ کیمونسٹ ہیں اور کہہ رہے تھے کہ اس ملک کو جلا دینا چاہیے اور ممبئی میں بھی ایک شاہین باغ بنانا چاہیے۔

بپا دیتیا سرکار کے مطابق انہوں نے ٹیکسی ڈرائیور سے کہا کہ اس نے یہ بات ان سے کرنے کے بجائے پولیس کو کیوں بلایا تو ڈرائیور کا کہنا تھا کہ ’تم خوش ہو جاؤ کہ میں تمہیں کہیں اور نہیں لے گیا اور صرف پولیس کے حوالے کیا ہے۔‘

ڈرائیور نے ان سے یہ بھی کہا کہ ’تم لوگ اس ملک کو تباہ کر دو گے اور تم سمجھتے ہو کہ ہم خاموش تماشائی بنے یہ سب دیکھتے رہیں گے۔‘

رات گئے ایک اور سماجی کارکن ایس گوہلی پولیس سٹیشن آئے اور بپا دیتیا سرکار کو پولیس سٹیشن سے لے گئے۔