کمپنی ’ایپل‘ نے چین میں کورونا وائرس کی وجہ سے دکانیں بند کردی ہیں۔

تفصیلات کے مطابق کمپنی ’ایپل‘ نے چین میں کورونا وائرس کی وجہ سے دکانیں بند کردی ہیں۔

مقامی خبررساں کے مطابق ایپل نے یکم فروری کو جاری اپنے ایک بیان میں واضح کر دیا کہ چین میں موجود اپنی تمام دکانیں بند کردیں۔

یاد رہے کمپنی ایپل نے اس بات کے تصدیق اپنے بیان میں واضح طور پر کر دی ہے کہ صرف عارضی طور پر چین میں دکانیں بند کرنے کا حکم جاری کیا ہے۔

چین میں کرونا وائرس سے ہلاکتوں کی259 ہوگئی

کمپنی کا کہنا تھا کہ اگرچہ ان کے ملازمین میں وائرس کی تصدیق نہیں ہوئی تاہم مذکورہ وائرس تیزی سے پھیل رہا ہے اس لیے احتیاطی تدابیر کے پیش نظر چین میں ایپل کی دکانیں بند کردی گئیں۔

ایپل کمپنی کے ترجمان نے کہا کہ ایپل کی تمام دکانیں 9 فروری تک بند رہیں گی۔

چین میں ایپل کپمنی کی کُل 42 بڑی دکانیں ہیں جب کہ کمپنی کے وہاں کانٹیکٹ سینٹر بھی موجود ہیں، امریکا اور یورپ کے بعد چین میں ایپل کی سب سے زیادہ دکانیں ہیں۔

ایپل کمپنی کی جانب سے کورونا وائرس سے ورکر کو اس وائرس سے محفوظ رکھنے کے لیے دکانیں بند کی گئی جسے ملٹی نیشنل موبائل کمپنییوں نے سراہا اور سوچا جا رہا ہے کے اب وہ سب بھی عارضی طور پر دکانیں بند کر دیں۔

اس کے علاوہ ایپل سے قبل چین کی حکومت نے بھی کئی عوامی و کاروباری مقامات کو عوام کے لیے بند کردیا ہے جب کہ کئی شہروں میں ٹرانسپورٹ بھی معطل کردی گئی ہے۔

واضح رہے کہ چین سے شروع ہونے والے کورونا وائرس میں دنیا بھر میں اب تک ساڑھے 14 ہزار سے زائد افراد میں وائرس کی تصدیق ہو چکی ہے، جن میں سے 14 ہزار 400 تک افراد کا تعلق چین سے ہے۔