سعودی عرب کی کمشنری تیما میں مقیم سعودی جوڑاتمام خطرے کو بالاطاق رکھتے ہوئے رشتہ ازدواج میں منسلک ہوگیا۔

تفصیلات  کے مطابق شادی کی تقریب انتہائی سادگی سے ادا کی گئی جس میں دولہا اور دلہن کے اہل خانہ ہی شریک ہوئے۔

دولہا نے اپنے دوستوں اور دیگر عزیزوں سے وعدہ کیا کہ جوں ہی کورونا کی وبا سے چھٹکارہ ملے گا وہ ولیمہ کی دعوت بڑے پیمانے پر کریں گے۔

تیما کمشنری میں ہونے والی منفرد اورسعودی عرب کے رواج کے برخلاف اپنی نوعیت کی پہلی شادی کی تقریب کے حوالے سے لکھا ہے کہ براتیوں اور تقریب کے مہمانوں کی جملہ تعداد دولہا سمیت10افراد پر مشتمل تھی۔

اس موقع پر دولہا کہ والد عبدالرزاق نے میڈیا سے  بات کرتے ہوئے  کہا کہ’ہولناک وبا کورونا نے سعودی عرب سمیت دنیا بھرکواپنی لپیٹ میں لے رکھا ہے ایسے میں جبکہ مملکت کے تمام شہروں میں کرفیو نافذ ہے شادی کی تقریب بڑے پیمانے پر کرنا ممکن ہی نہیں تھا ۔

اسی لیے تقریب کو انتہائی سادگی سے انجام دیا گیا، عصر کی نماز کے بعدنکاح ہوا اور مغرب سے قبل رخصتی کر دی گئی‘۔

دولہا کا کہنا تھا کہ ’مشکل گھڑی میں جس سے ساری دنیا گزر رہی ہے ہم اپنی حکومت کے ساتھ کھڑے ہیں۔

حکومت کا ہر اقدام ملک اور شہریوں کی فلاح و بہبود کے لیے ہے اس لیے تقریب کو انتہائی سادہ رکھا گیا تاہم جیسے ہی حالات بہتر ہوئے دعوت ولیمہ شاندار طور پر منعقد کی جائے گی۔