سعودی عرب میں وزارت صحت کے حکام کا کہنا ہے کہ مملکت میں کرونا (کوویڈ 19) وائرس کے مزید 15 کیسز کی تصدیق کی گئی ہے۔

حکام کا کہنا ہے کہ اسپین سے آنے والی ایک خاتون کرونا وائرس کا شکار ہوئی ہے۔ اسے الظہران میں ایک طبی مرکز منتقل کردیا گیا ہے۔ اس سے قبل القطیف میں ایک خاتون سعودی شہری کرونا کا شکار ہوئی ہیں۔

سعودی عرب میں نئے کرونا وائرس کا شکار ہونے والوں میں سوئٹزرلینڈ، امریکا اور فرانس سے تعلق رکھنے والے تین شہری شامل ہیں جنہیں جدہ کے اسپتالوں میں منتقل کیا گیا ہے۔ ایک افغان شہری جو افغانستان سے واپس آیا کرونا سے متاثر ہے۔

مراکش سے واپس آنے والے دو سعودی شہریوں میں کرونا کی تصدیق ہوئی ہے۔ انہیں جازان کےایک اسپتال منتقل کیا گیا ہے۔ برطانیہ، فرانس ، سوئٹزرلینڈ اور اردن سے آنے والے چار شہریوں کو الریاض کے ایک اسپتال میں قائم قرنطینہ منتقل کیا گیا ہے۔

سعودی عرب میں کورونا وائرس کے 24 نئے کیسز سامنے آگئے

ان میں سے 38 مرد اور 48 خواتین ہیں۔ ان کی اوسط عمر 49 برس ہے۔ ان میں دو بچے بھی شامل تھے۔

مریضوں میں 33 سعودی اور 53  غیر ملکی ۔ غیر ملکیوں میں 48  کا تعلق مصر، دو بحرین، ایک امریکہ، ایک لبنان اور ایک بنگلہ دیش سے تھا۔

وزارت صحت نے اپنے بیان میں بتایا تھا  کہ ’کورونا کے بیشتر مریض بیرون مملکت سے سفر کرکے سعودی عرب پہنچے تھے یا کورونا وائرس سے متاثرہ ۔ممالک سے گزرنے کی وجہ سے مرض میں مبتلا ہوئے۔

واضح رہے کہ سعودی عرب میں کرونا وائرس کے متاثرین کی مجموعی تعداد 133 ہو گئی ہے۔