کورونا وائرس کی وجہ سے ہلاکتوں کی تعداد میں اضافہ دن با دن تیزی سے ہورہا ہے۔

تفصیلات کے مطابق تھائی لینڈ ، آسٹریلیا اور امریکہ میں بھی کورونا وائرس کی وجہ سے ہلاکت کا پہلا کیس سامنے آگیا ہے۔

مقامی خبر رساں ادارے  کے مطابق تھائی وزارتِ صحت نے تصدیق کی ہے کہ کورونا وائرس میں مبتلا 35 سالہ تھالی لینڈ کے شہری کی موت واقع ہوگئی ہے۔

اس حوالے سے تھائی وزارت صحت کا کہنا ہے کہ تھائی لینڈ میں اب تک کورونا وائرس کے 42 کیسز کی تصدیق ہو چکی ہے۔

ملک میں کورونا وائرس کے پھیلاؤ کا خدشہ

یاد رہے کہ ووہان شہر میں نومولود کورونا وائرس میں مبتلا ہو گیا تھا اور اس سے قبل بچے کی ماں کورونا وائرس کا شکار ہو گئی تھی۔

نیشنل ہیلتھ کمیشن کے مطابق چین میں کورونا وائرس کے مزید 573 نئے کیسز سامنے آنے کے بعد مجموعی تعداد 79 ہزار 824 ہوگئی ہے۔

دوسری جانب چین میں کورونا وائرس سے مزید 35 نئی ہلاکتوں کے بعد اس وائرس سے مرنے والوں کی تعداد 2 ہزار 870 ہو گئی ہے۔

گزشتہ 9 دنوں میں 33 ملکوں میں کورونا وائرس کے پہلے پہلے کیس کی تصدیق ہوئی ہے۔

چین سمیت دنیا بھر میں وائرس سے ہونے والی اموات کی تعداد 2 ہزار 976 ہوگئی ہے جبکہ چین کے علاوہ دیگر ملکوں میں اموات کی تعداد 106 ہے۔

واضح رہے کہ آسٹریلیا نے ایران سے آنے والے غیر ملکیوں پر ملک میں داخلے پر پابندی لگانے کا اعلان کر دیا۔