امریکی صدر ڈونلڈ ٹرمپ نے یورپ سے  امریکہ کا سفر  کرنے پر پابندی عائد کردی ہے۔

وائٹ ہاؤس کی جانب سے جاری بیان کے مطابق امریکی صدر ڈونلڈ ٹرمپ نے  کورونا وائرس سے متعلق قوم سے خطاب کرتے ہوئے برطانیہ کے سوا تمام یورپی ممالک سے  امریکہ  میں داخلے پر30 روزکے لیے پابندی عائد کردی ہے۔

امریکی صدرنے کہا کہ یورپ سے  امریکہ  کے لیے سفری پابندیوں کا اطلاق جمعہ کی شب سے ہوگا۔

انہوں نے یہ اقدام کورونا وائرس کے تیزی سے پھیلاؤ کے خلاف کسی قسم کی کارروائی کرنے کے لیے بڑھتے ہوئے دباؤ کے پیشِ نظر اٹھایا ہے تاکہ  کئی قیمتی جانیں بچائی جا سکیں۔

Advertisement

We will be suspending all travel from Europe, except the United Kingdom, for the next 30 days. The policy goes into effect Friday at midnight. pic.twitter.com/Yeq1gVCIln

— The White House (@WhiteHouse) March 12, 2020

ڈونلڈ ٹرمپ نے کہا کہ یورپی یونین نے انسداد کورونا  کے لیے فوری اقدامات نہیں اٹھائے،  امریکہ آنے والےافراد کورونا پھیلانے کا سبب ہیں، سفری پابندیاں قبل ازوقت ختم کرنے  کے لیے صورتحال کا جائزہ لیتے رہیں گے۔

امریکی صدر نے مزید کہا کہ بزرگ امریکی غیرضروری سفرکریں، نہ اجتماعات میں جائیں، امریکی عوام کی حفاظت  کے لیے پورا زور لگادیں گے۔

واضح رہے کہ گذشتہ روز  عالمی ادارہ صحت (ڈبلیو ایچ او) نے کورونا وائرس کو  عالمی وبا ءقرار دے دیا ہے۔

امریکہ کا ایران سے اپنے قیدیوں کی فوری رہائی کا مطالبہ

عالمی ادارہ صحت کے ڈائریکٹر جنرل نے جنیوا میں پریس بریفننگ کے دوران کہا  کہ ’کووڈ 19 ‘کی درجہ بندی عالمگیر وباءکے طور پر کی گئی ہے، ہم نے پہلے کبھی کسی کورونا  فیملی سے ایسی عالمگیر وبا ءکو پھیلتے نہیں دیکھا۔

ڈاکٹر ٹیڈروس گیبریایسس کا کہنا تھا کہ ’کورونا کا پھیلاؤ اور شدت خطرناک ہے۔ ہمیں وباء کے پھیلاؤ، اس کی شدت اور اس حوالے سے بے عملی پر تشویش ہے۔

خیال رہے کہ کورونا وائرس اس وقت دنیا کے 120 سے زائد ممالک میں پھیل چکا ہے جس سے ایک لاکھ سے زائد افراد متاثر جبکہ 4 ہزار سے زائد ہلاک ہوچکے ہیں۔

طالبان اچھے جنگجو ہیں، لیکن اب وہ تھک چکے ہیں، ڈونلڈ ٹرمپ

کورونا وائرس سے سب سے زیادہ متاثر ملک چین  ہوا ہے جہاں سے اس وائرس نے جنم لیا۔ اس کے بعد اٹلی، جنوبی کوریا  اور ایران سب سے زیادہ متاثر ملکوں  میں سر فہرست ہیں۔

ایران کے حوالے سے ڈبلیو ایچ او کے سربراہ کا کہنا  ہے کہ  ایران آلات کی کمی کے باجود کورونا پر قابو پانے کی بھرپور کوشش کر رہا ہے۔