عالمی ادارہ صحت کے ترجمان کرسچیان لینڈمیئر نے میڈیا سے گفتگو کرتے ہوئے عوام الناس کو مشورہ دیا ہے جو لوگ کورونا وائرس (کووِڈ19) سے متاثر ہیں انہیں چاہیے کہ درد کی صورت میں آئبوپروفن کی جگہ پیراسیٹامول استعمال کریں۔

ان کا کہنا تھا کہ آئبوپروفن ممکنہ طور پر ناول کورونا وائرس کے مضر اثرات کو شدید تر کرسکتی ہے۔ واضح رہے کہ آئبوپروفن پاکستان میں ’’بروفن‘‘ اور ’’ایرینیک‘‘ کے ناموں سے عام دستیاب ہے۔

عالمی ادارہ صحت کی جانب سے یہ مشورہ معتبر طبی تحقیقی جریدے ’’دی لینسٹ ریسپائریٹری میڈیسن‘‘ کے شمارے میں آن لائن شائع ہونے والی ایک تحقیقی رپورٹ کی بنیاد پر دیا جارہا ہے۔

کورونا کے 80 فیصد مریض پیناڈول سے ٹھیک ہوجائیگے، ڈاکٹر یاسمین راشد

یہ تحقیق چین میں کورونا وائرس سے شدید طور پر متاثر، سیکڑوں مریضوں کے مطالعے پر مبنی ہے جو پہلے ہی ذیابیطس یا دل و دماغ کی کسی بیماری میں مبتلا تھے اور درد کے علاج کےلیے دیگر مختلف دوائیں استعمال کررہے تھے۔

🏥 #COVID2019 Les #pharmacies sont et resteront ouvertes tout au long de la crise sanitaire.
💊 Il n'y a pas de pénurie de #paracetamol.
L'ANSM rappelle les règles de bon usage. Inutile et dangereux pour la santé de faire des stocks chez soi !

— Olivier Véran (@olivierveran) March 17, 2020

ان مریضوں کے تجزیئے پر یہ امکان سامنے آیا ہے کہ آئبوپروفن اور اسی جماعت کی دوسری درد کُش دوائیں ایک ایسے خامرے (اینزائم) کی پیداوار میں اضافے کا باعث بنتی ہیں جو کورونا وائرس کی اثر پذیری کو بڑھاوا دے کر اس کے اثرات شدید تر کردیتا ہے۔

اگرچہ یہ امکان ابھی صرف مفروضے کی صورت میں ہے لیکن اس بارے میں مناسب شہادتیں مدنظر رکھتے ہوئے عالمی ادارہ صحت نے عام لوگوں کو خبردار کیا ہے کہ اگر وہ کورونا وائرس کی وجہ سے بیمار ہیں اور ساتھ ہی ساتھ انہیں جسمانی درد کی شکایت بھی ہے تو بہتر ہے کہ وہ صرف پیراسیٹامول پر گزارا کریں اور اپنے ڈاکٹر کے مشورے پر ہی آئبوپروفن استعمال کریں۔

دوسری  جانب  پاکستان کی وزیر صحت برائے پنجاب ڈاکٹر یاسمین راشد نے لاہور میں پریس کانفرنس کرتے ہوئےکہا ہے کہ کورونا سے متاثر ہونے والے افراد میں سے 80 فیصد مریض صرف پیناڈول گولی سے ٹھیک ہوجائیگے۔