شمالی کوریا نے دو خطرناک اور جدید بیلسٹک میزائلوں کا کامیاب تجربہ کر لیا۔

شمالی کوريا نے سلامتی کونسل کی پابندی اور امریکی دباؤ کو خاطر میں نہ لاتے ہوئے اپنی تجربہ گاہ سے کھلے سمندر میں 2 خطرناک اور جدید بیلسٹک میزائل کا کامیاب تجربہ کیا ہے۔

بین الاقوامی میڈیا رپورٹس کے مطابق پیانگ یانگ حکومت نے اقوامی متحدہ کی پابندیوں اور امریکی دباؤ کو مسترد کرتے ہوئے دو نئے بیلسٹک میزائلوں کا تجربہ کیا ہے۔

بیلسٹک میزائلوں نے 240 کلومیٹر کا طویل سفر 35 کلومیٹر اونچی کے ساتھ طے کیا، یہ میزائل درمیانی فاصلے تک اپنے ہدف کو نشانہ بنانے کی صلاحیت رکھتے ہیں۔

شمالی کوریا میزائل اور جوہری تجربات نہیں کرے گا، اقوام متحدہ

شمالی کوریا نے گزشتہ سال جوہری و جنگی ہتھیاروں کے کامیابی سے سلسلہ وار تجربات کیے تھے جس میں ملٹی پل راکٹ سسٹم اور بیلسٹک میزائل بھی شامل تھے۔

دسمبر 2019 میں پارٹی کے ایک اجلاس میں کے دوران شمالی کوریا کے رہنما کم جونگ ان نے اعلان کیا تھا کہ پیانگ یانگ اب خود کو جوہری اور بین البراعظمی بیلسٹک میزائل تجربات پر پابند نہیں سمجھتا ہے ، اور ساتھ ہی جلد ایک “نئے اسٹریٹجک ہتھیار” کے تجربے کا اعلان کیا تھا۔

واضح رہے کہ اقوام متحدہ کی سلامتی کونسل نے بھی شمالی کوریا پر بيلسٹک ميزائل کے تجربات پر پابندی عائد کر رکھی ہے تاہم کم جونگ ان کسی قسم کی پابندی کو تسلیم کرتے نظر نہیں آرہے ہیں۔ امریکا اور سلامتی کونسل کا تازہ تجربے سے متعلق تاحال کوئی بیان سامنے نہیں آیا ہے۔