بھارت  کے دارالحکومت دہلی میں کورونا وائرس کے ایک مشتبہ مریض نے ہسپتال کی ساتویں منزل سے چھلانگ لگا کر خودکشی کر لی ۔

انڈین میڈیا کے مطابق ایئر پورٹ حکام کی جانب سے کورونا وائرس کے ایک مشتبہ مریض کو  دہلی  کے صفدر جنگ ہسپتال میں داخل کرایا گیا تھا جہاں ان کو فوری طور میں آئسولیشن وارڈ میں رکھا گیا۔

خود کشی کر نے والا  مشتبہ مریض ایک برس سے آسٹریلیا کے شہر سڈنی میں رہایش پذیر تھا، اسے دہلی پہنچنے کے فوراً بعد صفدر جنگ اسپتال کے آئسولیشن وارڈ میں منتقل کیا گیا۔

اسپتال میں اس  شخص  کے خون کے نمونے لے کر کرونا ٹیسٹ کے لیے بھجوائے گئے، تاہم مشتبہ مریض نے آئسولیشن کے خوف سے وارڈ میں لائے جانے کے کچھ ہی دیر بعد دروازہ کھولا اور ساتویں منزل سے چھلانگ لگا دی۔

پولیس  حکام کے مطابق اندرا گاندھی انٹرنیشنل ایئر پورٹ سے 35 سالہ کورونا وائرس کا ایک مشتبہ مریض لایا گیا ہے۔ رات نو بجے ان کو ہسپتال میں داخل کرایا گیا۔ جہاں مذکورہ فرد نے ہسپتال کی عمارت سے چھلانگ لگا کر خود کشی کر لی۔

بھارت میں کرونا وائرس سے ہونے والی ہلاکتوں   کی تعداد 4  ہو چکی ہے اور متاثرہ افراد کی تعداد 197  ہوگئی ہے۔

دوسری  جانب  اقوام متحدہ کے سیکریٹری جنرل انتونیو گوتریس نے  گزشتہ   روز اپے خیالات کا اظہار کرتے ہوئے  کورونا وائرس کےحوالے سے ذہنی صحت کا خیلا رکھنے کا مشورہ دے دیا۔

I know many of you feel anxious, worried and confused by the upheaval caused by #COVID19. That’s absolutely normal.

As we continue fighting #coronavirus together, let's remember to take care of our mental health & support one another.

— António Guterres (@antonioguterres) March 18, 2020

تفصیلات کے مطابق جنرل انتونیو گوتریس نے سماجی رابطے کی ویب سائٹ ٹوئٹر پر کہا کہ عالمی وباء کورونا وائرس سے بچنے کے  لیے ایک دوسرے کی مدد کریں۔