امریکا اور افغان طالبان کے درمیان  تاریخ سازامن معاہدہ طے پا گیا جس کے نتیجے میں چمن میں امن معاہدے کی خوشی  میں افغان شہریوں نے جشن منایا جارہا ہے۔

تفصیلات کے مطابق معاہدے کے جشن میں شہریوں نے افغان طالبان کے جھنڈے اٹھا کر ریلی نکالی گئی جبکہ شاندار آتشبازی کے مظاہرے کے ذریعے بھی مسرت کا اظہار کیا گیا ہے۔

یاد رہے کہ آج امریکہ اور افغان طالبان کے درمیان دو دہائیوں پر محیط طویل جنگ کے خاتمے کے لیے تاریخی امن معاہدے پر دستخط کردیے گئے جس کے تحت امریکی افواج افغانستان سے مکمل انخلاء کریں گی۔

قطر کے دارالحکومت دوحہ میں امریکہ اور طالبان کے درمیان مقامی ہوٹل میں افغان امن معاہدے پردستخط کی تقریب ہوئی جس میں وزیر خارجہ شاہ محمود قریشی سمیت 50 ملکوں کے نمائندوں نے شرکت کی۔

افغان طالبان کی جانب سے ملا عبدالغنی برادر اور امریکاکی جانب سے نمائندہ خصوصی برائے افغان مفاہمتی عمل زلمے خلیل زاد نے دستخط کیے۔

امن معاہدے کے مطابق امریکی فوج 14 ماہ میں افغانستان سے مکمل انخلا ءکرے گی جبکہ طالبان اس بات کی ضمانت دینی  ہوگی کہ افغان سرزمین القاعدہ سمیت دہشت گرد تنظیموں کے زیر استعمال نہیں آنے دیں گے۔

معاہدے کے تحت پہلے مرحلے میں 4500 فوجیوں کو افغانستان سے نکا لا جائے گا اس کے بعد باقی رہ جانے والے 8500 فوجیوں  کا انخلاء مرحلہ وار کیا جائے گا۔

امن معاہدے کی تقریب سے خطاب  کرتے ہوئے امریکی وزیر خارجہ مائیک پومپیو نے کہا کہ امریکہ اورطالبان دہائیوں سے جاری تنازعات کو ختم کر رہے ہیں۔