کورونا کے مریضوں میں روز با روز اضافہ ہوتا جارہا ہے جس میں مختلف عمر کے لوگ شامل ہیں لیکن نومولود بھی اب کورونا وائرس کا شکار ہوگیا ہے۔

غیر ملکی رپورٹ کے مطابق برطانیہ میں پیدائش کے فوری بعد ایک بچے میں کورونا وائرس کی تشخیص ہوئی ہے اور اس طرح وہ اس مرض کے شکار دنیا کے کم عمر ترین افراد میں شامل ہوگیا ہے۔

برطانیہ میں پیدائش بچے کی پیدائش سے قبل اس کی ماں میں بیماری کا ٹیسٹ ہوا تھا مگر اس کی تصدیق بچے کی پیدائش کے بعد ہوئی تھی۔

پیدائش کے چند منٹوں بعد ہی بچے میں بھی کووڈ 19 کا ٹیسٹ ہوا جو مثبت آیا اور اب ڈاکٹر یہ جاننے کی کوشش کررہے ہیں کہ یہ وائرس بچے میں پیدائش کے دوران منتقل ہوا یا ماں کے پیٹ میں اس کا شکار ہوچکا تھا۔

اس بچے کی ماں کا پہلے نمونیا کے شک میں علاج ہورہا تھا اور وہ علاج کے لیے دوسرے ہسپتال میں منتقل ہوئی تھی۔

جب ماں اور بچے میں کورونا وائرس کی تصدیق ہوئی تو دونوں کو علاج کے لیے الگ الگ ہسپتالوں میں منتقل کیا گیا۔

مقامی اسپتال کے ترجمان نے روزنامے کو بتایا ‘نارتھ مڈل سیکس یونیورسٹی ہاسپٹل میں 2 افراد میں کورونا وائرس کی تصدیق ہوئی ہے، جن میں سے ایک کو اسپیشلسٹ سینٹر منتقل کردیا گیا جبکہ ایک کا آئسولیشن روم میں علاج ہورہا ہے’۔

ترجمان کا کہنا تھا کہ مریضوں اور عملے کا تحفظ ہماری اولین ترجیح ہے، تو پبلک ہیلتھ انگلینڈ کی ہدایات کے مطابق ہم ان حصوں کو مسلسل صاف کرتے ہیں جہاں مریضوں کا خیال رکھا جاتا ہے جبکہ طبی عملے کو خود سے الگ تھلگ ہونے کا کہا جاتا ہے’۔

ماں اور بچے کے قریب جانے والے طبی عملے کو بھی خود کو الگ تھلگ کرنے کی ہدایت کی گئی ہے۔