سعودی فرمانرواں شاہ سلمان کی زیرصدارت کابینہ کا اجلاس ہوا جس میں افطار منصوبے کے لیے مختص رقم میں اضافے کی منظوری دے دی گئی۔

عرب میڈیا کی رپورٹ کے مطابق سعودی عرب ہر سال ماہ صیام میں سعودی عرب تقریباً 10 لاکھ روزہ داروں کا افطار کرواتا ہے جس سے متعلق مختص رقم میں اضافے کی خادم حرمین شریفین شاہ سلمان بن عبدالعزیز نے منظوری دے دی ہے۔

خادم حرمین شریفین شاہ سلمان نے افطار منصوبے کے لیے مختص رقم کو بڑھا کر 50 لاکھ ریال کردیا گیا ہے۔

کابینہ اجلاس سے متعلق جاری کردہ اعلامیہ میں کہا گیا ہے کہ رمضان بجٹ اضافے کی منظوری کے علاوہ اجلاس میں یمن میں آئینی حکومت کو سپورٹ کرنے والے اتحاد کے اعلان کردہ مؤقف پر زور دیا گیا۔

کورونا وائرس: سعودی عرب نے بڑا کارنامہ انجام دے دیا

یادرہے کہ اٹھارہ ممالک میں قائم سعودی سفارتخانے اور اسلامی مراکز افطار کے انتظامات کو یقینی بنانے میں اہم کردار ادا کرتے ہیں۔

واضح رہے اس سے قبل بھی سعودی عرب کے نوجوان نے کورونا متاثرین کی نشاندہی کرنے کے لیے آلہ تیارکر لیا تھا۔

غیر ملکی خبر رساں ادارے کے مطابق نوجوانوں نے کرونا کی نشاندہی کے لیے جو آلہ تیار کیا ہے اُس سے انسان کے جسم کا درجہ حرارت معلوم ہوتا جس کے ذریعے کورونا کی تشخیص بھی ہو جاتی۔

اس آلے کا اندراج سعودی کاپی رائٹ اتھارٹی میں کرادیا گیا ہے اور بہت جلد ہی عالمی سطح اس کا انداراج کروا دیا جائے گا۔