سعودی حکومت نے مقیم پاکستانیوں کے مسائل کا نوٹس لے لیا ہے۔

تفصیلات کے مطابق وزیراعظم عمران خان کے معاون خصوصی برائے اوورسیز پاکستانیز زلفی بخاری نے سعودی وزیر سے ویڈیو کال کے ذریعے بات کی ہے۔

SAPM @sayedzbukhari on call with Saudi Vice Minister for Labor and Social Development Dr Abdullah Bin Naseer Abu Thuniyan. pic.twitter.com/mvR0p5LxI5

Advertisement

— Ministry of Overseas Pakistanis & HRD (@mophrd) April 21, 2020

زلفی بخاری نے نائب سعودی وزیر برائے افرادی قوت عبداللہ بن نصیر سے ویڈیو لنک کے ذریعے رابطہ کیا جس میں انہوں نے پاکستانی مزدور اور لیبر کمیونٹی کو درپیش مسائل کے مسائل پر بات کی۔

ویڈیو لنک رابطے میں دونوں نے مسائل کے حوالے سے تفصیلی مشاورت کی ہے۔

زلفی بخاری نے کہا کہ مشکل کی گھڑی میں ہم وطنوں کی ہر قسم کی ضروریات پوری کرنا چاہتے ہیں۔

انہوں نے پاکستانی مزدوروں سے تعاون بڑھانے اور وطن واپسی کیلئے خصوصی اقدامات کی درخواست بھی کی ہے۔

یاد رہے سعودی عرب نے انٹری اور ایگزٹ ویزے کی مدت بڑھانے کا اعلان کیا ہے۔

سعودی وزیر نے بتایا کہ دسمبر تک پاکستانی مزدوروں کے ویزوں کی توسیع بالکل مفت ہوگی۔

دوسری جانب انہوں نے بتایا کہ سعودی کمپنیاں آئندہ 3 ماہ تک محنت کشوں کو ملازمت سے برطرف نہیں کریں گی۔

سعودی وزیر کے مطابق تمام ملازمین کو 3 ماہ تک تنخواہ کی ادائیگی کا سلسلہ جاری رکھا جائے گا۔

اس کے علاوہ پاکستانیوں کی مکمل تنخواہ اور بقایا جات کی ادائیگی کو یقینی بنایا جائے گا۔

یاد رہے کورونا پوری دنیا میں بری طرح پھیل چکا ہے اور سعودیہ میں بھی کورونا سے بہت لوگ متاثر ہوئے ہیں۔

واضح رہے کہ سعودی عرب میں کورونا وائرس کی وجہ سےکئی مزدور بے روزگار ہوچکے ہیں۔