برطانوی حکومت کی جانب سے پاکستان میں قیام پذیر برطانوی شہریوں کو واپس بلانے کا اعلان کردیا گیا ہے۔

تفصیلات کے مطابق برطانوی حکومت کی جانب سے پاکستان میں قیام پذیر برطانوی شہریوں کے لئے اعلان کرتے ہوئے یہ کہا ہے کہ وہ اپنے شہریوں کو واپس نرطانیہ بلائے گے۔

برطانیہ کی حکومت نے پاکستان سے برطانوی شہریوں کی وطن واپسی کیلئے مزید نوطیارے بھیجنے کا اعلان کیا ہے۔

لندن میں برطانوی حکومت کی جانب سے جاری کئے گئے بیان میں کہا گیا ہے کہ اس سلسلے کی پہلی پرواز اس ماہ کی تیس تاریخ کو کراچی سے روانہ ہوگی جبکہ دوسری پروازیں اسلام آباد اور لاہور سے روانہ ہوںگی۔

پیٹرول کی درآمدات کھولنے کا اعلان

جاری کردہ بیان میں کہا گیا کہ پاکستان میں تقریبا پانچ ہزار برطانوی شہری موجود ہیں جنہیں وطن واپس لایا جائیگا جبکہ تقریبا اڑھائی ہزار شہری پہلے ہی مختلف دس پروازوں کے ذریعے واپسی کے لئے اپنی بکنگ کراچکے ہیں جو رواں ماہ کی اکیس سے ستائیس تاریخ کے درمیان شیڈول ہیں۔

پروازوں کے دوسرے مرحلے میں دوہزار دو سو پچاس سے زائد برطانوی شہری پاکستان سے برطانیہ جائیں گے۔

یاد رہے کہ کورونا وائرس کے باعث پاکستان میں مختلف ممالک کے شہریوں کی وطن واپسی کےلئے خصوصی پروازوں کی اجازت دی گئی ہے جس کے مطابق گذشتہ ہفتے پاکستان میں پھنسے 1244برطانوی شہری چار خصوصی پروازوں کے ذریعے برطانیہ روانہ ہوئے تھے۔

خیال رہے کہ برطانیہ نے 15 اپریل کو اپنے شہریوں کی واپسی کے لئے پاکستان سے خصوصی پروازیں چلانےکا اعلان کیا تھا اور اسلام آباد ائیر پورٹ سے پہلی خصوصی پرواز 250 برطانوی شہریوں کو لےکر لندن روانہ ہوئی تھی۔

برطانوی ہائی کمشنر کرسچین ٹرنر نے ائیر پورٹ کا دورہ کرکے انتظامات کا جائزہ لیا اور بہترین انتظامات پر پاکستان کا شکریہ ادا کیا اور کہا کہ غیر ملکی ائیرلائن اورائیرپورٹ انتظامیہ نے ہماری ٹیم کیساتھ مل کر کام کیا۔