کورونا وائرس کی تباہ کاریوں میں خطرناک حد تک اضافہ ہوگیا ہے۔دنیا بھر میں کورونا وائرس سے ہونے والی اموات  2 لاکھ سے تجاوز کرگئی ہیں ۔

 تفصیلات کے مطابق کورونا وائرس کی عالمی وباء دنیا کے 200 سے زائد ممالک میں پھیل چکی ہے جس میں 2،12،253  افراد ہلاک ہوچکے ہیں جبکہ متاثرہ افراد کی تعداد 31 لاکھ  60 ہزار سے تجاوز کر گئی  ہے۔

دوسری جانب اس وائرس کو شکست دے کر صحت یاب ہونے والے مریضوں کی تعداد 9 لاکھ 74 ہزار سے زائد ہوگئی ہے۔

اس مہلک وائرس کے سب سے زیادہ مصدقہ مریض امریکہ میں ہیں جہاں 10   لاکھ 35 ہزار سے زائد افراد متاثر ہیں جبکہ مرنے والوں کی تعداد 59 ہزار 266 سے تجاوز کرگئی ہے۔

اسپین میں متاثرہ مریضوں کی تعداد 2 لاکھ 36 ہزار سے تجاوز کرگئی  ہے جبکہ 24   ہزار  200 سے زائد افراد لقمہ اجل بن چکے ہیں۔

اٹلی میں 2لاکھ سے زائد افراد متاثر جبکہ 27 ہزار  300 سے زائد افراد ہلاک ہوچکے ہیں۔فرانس  میں مریضوں کی تعداد 1 لاکھ 65 ہزار سے تجاوز کرگئی ہے جبکہ اموات  23 ہزار 600 سے تجاوز کر چکی ہیں۔

چین کے شہر ووہان ، کورونا وائرس کا خاتمہ

برطانیہ میں مریضوں کی تعداد ایک لاکھ 61 ہزار سے تجاوز کرگئی  ہےجبکہ 21 ہزار   600 سے زائد اموات ہوچکی ہیں۔ جرمنی میں متاثرہ مریضوں کی تعداد 1 لاکھ 60 ہزار سے زائد جبکہ ہلاکتوں کی تعداد  6 ہزار سے تجاوز کرگئی ہے۔

ترکی میں متاثرہ مریضوں کی تعداد 1 لاکھ 14 ہزار سے تجاوز کرگئی ہےجبکہ ہلاکتوں کی تعداد 2 ہزار 900 سے تجاوز کرگئی ہے۔

روس میں 99 ہزار 300 سے زائد افراد متاثر جبکہ 972 افراد ہلاک ہوچکے ہیں۔ ایران میں مصدقہ مریضوں کی تعداد 93 ہزار سے تجاوز کرگئی ہے جبکہ اموات کی تعدا 5 ہزار 900 سے تجاوز کرگئی ہیں۔

چین میں  متاثرہ مریضوں کی تعداد  82 ہزار 800 سے تجاوز کرگئی ہے جبکہ 4ہزار 600 سے زائد ہلاکتیں ہوچکی ہیں۔برازیل میں 73ہزار سے زائد افراد متاثر ہیں جبکہ 5 ہزار سے زائد افراد ہلاک ہوچکے ہیں۔

کینیڈا میں 50 ہزار سے زائد مریض  ہیں جبکہ 2 ہزار  800 سے زائد اموات ہوچکی ہیں۔ بیلجیم میں 47 ہزار  800 سے زائد مصدقہ مریض  ہیں جبکہ 7 ہزار  500 سے زائد اموات ہوچکی ہیں۔

نیدرلینڈز میں 38 ہزار  800 سے زائد افراد متاثر جبکہ ہلاکتوں کی تعداد 4 ہزار  700 سے زائد ہو گئی ہے۔