سعودی عرب نے خوشخبری سنادی

وریشہ مسعود

15th Apr, 2020. 08:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی عرب نے خوشخبری سنادی

Synopsis

سعودی عرب نے خوشخبری سنادی

کروناوائرس کے پیش نظر سعودی حکومت نے نجی وسرکاری ملازمین کی مدد کے لیے خصوصی پیکج کی منظوری دے دی۔

عرب میڈیا کی رپورٹ کے مطابق خادم حرمین شریفین اور سعودی فرمانراں شاہ سلمان بن عبدلعزیزی نے نئے حکم نامے میں نجی وسرکاری ملازمین کی مدد کے لیے اہم اقدامات اٹھاتے ہوئے ا خصوصی معاشی پیکج کی منظوری دی ۔

رپورٹ میں کہا گیا ہے کہ مملکت میں نجی کاروباری سیکٹر کی مدد کے لیے 9 ارب سعودی ریال کا معاشی پیکج منظور ہوا ہے، جس کے تحت کمپنیاں اپنے ملازمین کو خصوصی ریلیف فراہم کرے گی۔

یاد رہے اس سے قبل سعودی فرمانروا شاہ سلمان بن عبدالعزیز نے کورونا وائرس کی وجہ سے بند نجی کمپنیوں کے ملازمین کو حکومت کی جانب سے 60 فیصد تنخواہ دینے کا اعلان کیا تھا۔
شاہی فرمان میں صنعت کاروں کو اپنے ملازمین کو برطرف نہ کرنے کی ہدایت کرتے ہوئے کہا گیا تھا کہ مشکل گھڑی میں تین مہینے کے لیے حکومت ان ملازمین کی ماہانہ تنخواہ کا 60 فیصد تک ادا کرے گی۔

سعودی وزیر خزانہ نے اپنے بیان میں کہا تھا کہ کورونا وائرس کے باعث صنعتیں بند ہیں اور ڈیلی ویجز اور تنخواہ دار ملازمین کے بیروزگار ہونے کا خدشہ بڑھ گیا ہے اس لیے صنعت کاروں کو یہ رعایت دی گئی ہے۔
واضح رہے کہ سعودی حکام نے کرونا کی موذی وبا کا پھیلاؤ روکنے کے لیے ملک بھر میں سرکاری و نجی ادارے بند کیے ہوئے ہیں اور ملازمین کو گھر سے کام کرنے کی ہدایات کی گئی ہے جبکہ اکاؤنٹ ہولڈرز کو بھی آن لائن خدمات فراہم کی جارہی ہیں۔