امریکہ میں 24 گھنٹے کے دوران کورونا وائرس سے لگ بھگ ڈیڑھ ہزار افرادہلاک ہوگئے ۔

تفصیلات  کے مطاق  مطابق جان ہاپکنز یونیورسٹی کے اعداد و شمار میں بتایا گیا ہے جہاں گزشتہ 24 گھنٹوں میں اس وائرس نے 1480 افراد کی جان لے لی، یہ ایک ہی دن میں کورونا سے ریکارڈ ہلاکتیں ہیں۔

جان ہاپکنز یونیورسٹی کے جاری کردہ اعداد و شمار میں بتایا گیا ہے کہ امریکہ میں 1 ہزار 480 ہلاکتیں جمعرات کی شام سے جمعے کی شام تک ریکارڈ کی گئیں۔

کورونا وائرس سے صرف نیویارک میں 680 افراد ہلاک ہوئے ہیں جس کے بعد ریاست میں ہلاک افرادکی تعداد 3 ہزار218 ہوگئی۔

امریکی صدر ڈونلڈ ٹرمپ نے وائٹ ہاؤس میں میڈیا سے بات کرتے ہوئے کہا ہے کہ سینٹر فار ڈیزیز کنٹرول اینڈ پریوینشن نے اس بات پر زور دیا ہے کہ تمام لوگ اپنے منہ کو کور کریں۔

انہوں نے مزید کہا کہ عوام کے لیے ماسک پہننا لازم نہیں ہے تاہم جو لوگ پہننا چاہیں انہیں اس بات کی اجازت ہو گی۔

صدر ٹرمپ نے کہا کہ وہ ماسک نہیں پہنیں گے، انہوں نے یہ بھی واضح کیا کہ صدارتی الیکشن رواں برس نومبر ہی میں ہو گا۔

یاد رہے کہ امریکی صدر ٹرمپ نے گزشتہ ہفتے واشنگٹن میں خطاب کرتے ہوئے خبردار کیا تھا کہ ملک میں ’انتہائی تکلیف دہ دو ہفتے‘ آنے والے ہیں۔

صدر ڈونلڈ ٹرمپ نے  ٹیلی ویژن پر خطاب میں کہا تھا کہ امریکہ میں دو ہفتے بعد کورونا وائرس سے ہلاکتوں کی شرح بڑھ سکتی ہے۔

واضح رہے کہ امریکہ  اب  تک  کل ہلاکتیں 7 ہزار 406 ہو گئی ہیں جبکہ متاثرہ  افراد کی تعداد 2 لاکھ 77 ہزار 607 ہے۔