عالمی ادارہ صحت ( ڈبلیو ایچ او ) نے مطالبہ کرتے ہوئے پوری دنیا کے لئے ایک حکمت عملی بنانے پر زور دیا ہے۔

دنیا بھر میں چلتے اس نئے نوول کورونا وائرس کے بے حد جانی نقصان دیکھنے کو آیا ہے اور اب ماہرین اس وائرس سے لڑنے کے لئے ہر ممکن صورتحال پیدا کرنے اور ممکنہ کوششوں کا کاوشوں میں لگے ہوئے ۔

عالمی ادارہ صحت کی جانب سے کورونا وائرس کی وباء کو شکست دینے کے لئے مشترکہ عالمی حکمت عملی اپنانے پر زوردیا گیا ہے۔

عالمی ادارہ صحت کے ڈائریکٹر جنرل ٹیڈروس ایڈھانوم گیبریسس نے کورونا وائرس کے بارے میں عالمی رہنمائوں کی ویڈیو کانفرنس سے خطاب کرتے ہوئے اس مسئلے پر اقوام عالم میں اتحاد کی ضرورت پرزوردیا ۔

برطانوی حکومت کا اپنے شہریوں کے لئے مزید پروازیں بھیجنے کا اعلان

انہوں نے عالمی رہنمائوں کو اس وباء سے نمٹنے کیلئے ادارے کے اقدامات سے آگاہ کیا۔فرانس کے صدر ایمانوئیل میکرون ، جرمنی کی چانسلر انجیلا مرکل اور جنوبی افریقہ کے صدر سمیت عالمی رہنمائوں نے کورونا وائرس کے ٹیسٹ، ادویات اور ویکسین کی تیاری پر کام تیز کرنے کا عزم ظاہر کیا ۔

اس سے قبل  عالمی ادارہ صحت (ڈبلیو ایچ او) کے سربراہ ڈاکٹر  ٹیڈروس نے  پاکستان کو خبردار کیا ہے کہ  اگر کورونا وائرس سے بچاؤ کے لیے مؤثر اقدامات نہ کیے گئے تو جولائی کے وسط تک مریضوں کی تعداد 2 لاکھ تک پہنچ سکتی ہے۔

عالمی ادارہ صحت کے سربراہ  نے کہا کہ صوبہ پنجاب اور سندھ میں متاثرہ مریضوں کی تعداد میں تیزی سے اضافہ  ہونے کے سبب صحت کے شعبے پر دباؤ آرہا ہے۔

ڈاکٹر ٹیڈ روس نے کہا کہ کورونا وائرس پاکستان کے 115 اضلاع تک پھیل چکا ہے  لہٰذا پاکستان، اقوام متحدہ اور دیگر اداروں کو متحرک اور جامع حکمت عملی کے ساتھ آگے بڑھنا ہوگا۔

انہوں نے کہا کہ کورونا وائرس کا پھیلاؤ پاکستانی معیشت کے لیے تباہ کن ہوگا۔