ہزاروں امریکی فوجی کورونا وائرس کا شکار

سید قاسم رضا

17th Apr, 2020. 03:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہزاروں امریکی فوجی کورونا وائرس کا شکار

امریکی فوجیوں میں کورونا وائرس کے کیسز کی تعداد تیزی سے بڑھنے لگی۔

امریکی محکمہ دفاع پینٹاگون کی جانب سے جاری کردہ بیان کے مطابق امریکی مسلح افواج میں تصدیق شدہ کورونا وائرس کی مجموعی تعداد 4،695 ہوگئی ہے۔

پینٹاگون کا کہنا ہے کہ گذشتہ 24 گھنٹوں میں امریکی آرمی میں316 اور بحریہ میں 938 کیسز رپورٹ ہوئے ہیں۔

پینٹاگون نے مزید کہا ہے کہ گذشتہ روز کیسز کی تعداد میں 40فیصد اضافہ ہوا ہے۔

واضح رہے کہ امریکہ میں کورونا وائرس سے 6 لاکھ 78 ہزار سے زائد افراد متاثر ہیں 34 ہزار 600 سے زائد افراد ہلاک ہوچکے ہیں۔

چینی شہر ووہان سے جنم لینے والی کورونا وائرس کی وباء دنیا کے 200 سے زائد ممالک میں پھیل چکی ہے جس میں 1،46،969 افراد ہلاک ہوچکے ہیں جبکہ متاثرہ افراد کی تعداد 22 لاکھ کے قریب پہنچ گئی ہے۔

دوسری جانب اس وائرس کو شکست دے کر صحت یاب ہونے والے مریضوں کی تعداد 5 لاکھ 53 ہزار سے زائد ہوگئی ہے۔