کورونا وائرس کی سنگینی میں روز بروز اضافہ دیکھنے میں آرہا ہے۔دنیا بھر میں کورونا وائرس سے ہونے والی اموات  ایک لاکھ سے تجاوز کرگئیں ہیں۔

تفصیلات کے مطابق کورونا وائرس کی عالمی وباء دنیا کے 200 سے زائد ممالک میں پھیل چکی ہے جس میں 1،02،789 افراد ہلاک ہوچکے ہیں جبکہ متاثرہ افراد کی تعداد 17لاکھ سے تجاوز کرگئی ہے۔

دوسری جانب اس وائرس کو شکست دے کر صحت یاب ہونے والے مریضوں کی تعداد 3لاکھ 76ہزار سے زائد ہوگئی ہے۔

اس مہلک وائرس کے سب سے زیادہ مصدقہ مریض امریکہ میں ہیں جہاں 5 لاکھ 3ہزار سے زائد افراد متاثر ہیں جبکہ مرنے والوں کی تعداد 18 ہزار 700 سے زائد ہوگئی ہے۔

اسپین میں متاثرہ مریضوں کی تعداد 1 لاکھ 58ہزار سے تجاوز کرگئی  ہے جبکہ 16 ہزار سے زائد افراد لقمہ اجل بن چکے ہیں۔

کورونا وائرس ، قدرتی وباء یا پھر سازش

اٹلی میں 1 لاکھ 47 ہزار سے زائد افراد متاثر جبکہ 18 ہزار 800سے زائد افراد ہلاک ہوچکے ہیں۔فرانس  میں مریضوں کی تعداد 1 لاکھ  25 ہزار کے قریب پہنچ گئی ہے جبکہ 13 ہزار سے زئد اموات ہوچکی ہیں۔

جرمنی میں متاثرہ مریضوں کی تعداد 1 لاکھ 22 ہزار سے زائد جبکہ ہلاکتوں کی تعداد 2 ہزار 700سے تجاوز کرگئی ہے۔چین میں  متاثرہ مریض 82 ہزار کے قریب جبکہ 3 ہزار 300 سے زائد ہلاکتیں ہوچکی ہیں۔

برطانیہ میں 73ہزار 700سے زائد مصدقہ مریض جبکہ 9 ہزار کے قریب اموات ہوچکی ہیں۔ ایران میں مصدقہ مریضوں کی تعداد 68 ہزار سے زائد جبکہ اموات کی تعدا 4 ہزار سے تجاوز کر چکی ہے۔

ترکی میں 47  ہزار سے  زائد متاثرہ مریض ہیں جبکہ ہلاکتوں کی تعداد ایک ہزار سے تجاوز کرگئی ہے۔

بیلجیم میں 26 ہزار 600سے زائد مصدقہ مریض جبکہ 3ہزار سے زائد اموات ہوچکی ہیں۔ نیدرلیندز میں 23 ہزار سے زائد افراد متاثر جبکہ ہلاکتوں کی تعداد2 ہزار 500سے تجاوز کرگئی ہے۔