متحدہ عرب امارات سے 14 ٹن طبی امدادی سامان و خوراک کی تیسری کھیپ اسلام آباد پہنچ گئی, امدادی سامان کا مقصد پاکستان کی کوویڈ 19 وباء کے خلاف کوشیشوں کو تقویت پہنچانا ہے

 متحدہ عرب امارات کے سفارتخانے کی جانب سے جاری تفصیلات کے مطابق متحدہ عرب امارات کی جانب سے پاکستان کے لیے طبی امدادی سامان کی کھیپ اتحاد ائرویز  پرواز ای وائی 231 کے زریعہ اسلام آباد پہنچایا گیا۔

امدادی سامان کی وصولی کے کیے پاکستان میں متحدہ عرب امارات کے سفیر حماد عبید ابراہیم سلیم الزاہبی دیگر اعلی سفارتی حکام کے ہمراہ پریس کانفرنس سہ پہر تین بجے اسلام آباد ائیرپورٹ پہنچے۔

 اس موقع پر متحدہ عرب امارات کے سفیر حماد الزہبی کا کہنا تھا کہ دونوں ممالک کے مابین باہمی تعاون اور دھائیوں پرانے گہرے تعلقات کے تناظر میں متحدہ عرب امارات کو پاکستان کی امداد پر فخر ہےاور اس سے کوویڈ 19 کے خلاف عالمی یکجہتی کو فروغ حاصل ہو گا۔

 اماراتی سفیر نے کہا کہ اس امداد کے زریعہ ہم پاکستان اور دنیا بھر میں فرنٹ لائن ہیلتھ کئیر ورکرز کو بھی خراج تحسین پیش کر رہے ہیں جو کورونا کے خاتمے کے لیے انتھک کوشیشیں کر رہے ہیں۔

سفارت خانے کے مطابق متحدہ عرب امارات سے آنے والے امدادی طبی سامان میں 5 لاکھ دستانے,  20 ہزار فیس ماسک اور 50 ہزار جوتوں کے کور اور 6ہزار سینیٹائزرز بھی شامل ہیں ۔

متحدہ عرب امارات نے پاکستانیوں کو بڑا ریلیف دے دیا

یاد رے اس سے قبل امارات کی جانب سے امدادی سامان کی پہلی کھیپ 2 اپریل,  دوسری کھیپ 5 اپریل کو پاکستان پہنچی تھی۔

واضح رپے اس سے قبل متحدہ عرب امارات نے پاکستانی قیدیوں کو رہا کر کے واپس پاکستان بھیجنے کا اعلان کردیا تھا۔

پاکستانی سفارتخانہ سے جاری کردہ بیان میں کہا گیا تھا کہ متحدہ عرب امارات نے400پاکستانی قیدیوں کو رہا کردیا جبکہ پاکستانی قیدیوں کو وطن واپس بھیجنے کا بھی اعلان کردیا۔

پاکستانی سفاتخانہ کے ترجمان کا کہنا تھا کہ تمام پاکستانی قیدیوں کو یو اے ای حکومت کے زیر انتظام دوخصوصی پروازوں سے فیصل آباد اور پشاور باچاخان ایئر پورٹ پہنچایا جائے گا۔

پاکستانی سفاتخانہ کے ترجمان کا یہ بھی کہنا تھا کہ 400پاکستانی قیدیوں کو خصوصی پروازوں کے ذریعے وطن واپس بھیجاجارہا ہے، پاکستانی قیدی جرائم کے معمولی الزامات کے تحت جیلوں میں قید تھے