امریکی صدر ڈونلڈ ٹرمپ کی جانب سے کورونا وائرس کے خاتمے  کے لئے ایک نئی تجویز سامنے آئی ہے۔

تفصیلات کے مطابق امریکی صدر ڈونلڈ ٹرمپ کی جانب سے جراثیم کش محلول کے ٹیکے لگانے کی تجویز دی گئی ہے، وہی اس عجیب تجویز پر دنیا نے ڈونلڈ ٹرمپ کا مذاق اڑایا تو انہوں نے اپنی تجویز کو ہی طنز قرار دے دیا۔

دوسری طرف اپنے ایک بیان میں صدر ڈونلڈ ٹرمپ نے کہا ہے کہ اپنے ملک میں قلت ہے مگر کہتے ہیں دوسرے ملکوں کو وینٹی لیٹر بھیجیں گے۔

یاد رہے کہ اس سے قبل امریکی صدر ڈونلڈ ٹرمپ وائرس کے خاتمے کیلئے پہلے سورج کی روشنی اور الٹراوائلٹ شعاعوں کی مدد لینے کی تجویز بھی دی تھی۔

خیال رہے کہ وائٹ ہاؤس کی کورونا وائرس ٹاسک فورس بریفنگ میں ایک وفاقی عہدیدار تحقیق کے حوالے سے بتایا کہ سورج کی روشنی ، گرمی اور نمی سخت سطحوں اور ہوا میں کورونا وائرس کو کمزور کرسکتی ہے۔

محکمہ ہوم لینڈ سیکیورٹی میں سائنس اینڈ ٹیکنالوجی ڈائریکٹوریٹ کے قائم مقام سربراہ ، ولیم برائن نےاسے ’ ابھرتے ہوئے نتائج‘ قرار دیا ہے۔

انہوں نے کہا تحقیق سے یہ ثابت ہوتا ہے کہ تھوک کے قطرہ میں موجود کورونا وائرس اندرونی اور خشک حالتوں میں بہترین طور پر زندہ رہتا ہے، تاہم گرم موسم اور نمی میں وہ جلد مرجاتا ہے۔

برائن نے مزید کہا کہ   ہمارا آج تک کا سب سے حیرت انگیز مشاہدہ  ہے کہ  شمسی روشنی  وائرس  کو  ہوا میں  اور سطح پر دونوں جگہ ہلاک کردیتی ہے۔

انہوں نے مزید کہا کہ ایسا ہی  اثر ہم نے درجہ حرارت اور نمی دونوں کے ساتھ بھی دیکھا ہے ، جیسے جیسے درجہ حرارت اور نمی میں اضافہ ہوتا ہے  ویسے ویسے وائرس کمزور پڑتا جاتا ہے۔