سعودی عرب کی جانب سے کورونا وائرس کے خلاف فلسطینیوں کی ایک کروڑ ریال کی مالی امداد کا اعلان کیا گیا ہے۔

اس پیکج کے ذریعے فلسطینیوں کو کورونا وائرس سے لڑنے کے لیے 12 ٹن طبی سامان، ادویات اور نقد رقم فراہم کی جائے گی اور یہ امدادی سامان شاہ سلمان ریلیف سینٹرکے ذریعے فراہم کیا جائے گا۔

ریاست جموں و کشمیر میں بھارت کا قتل عام جاری ہے، مشعال ملک

یاد رہے کہ اردن میں تعینات سعودی عرب کے سفیر نایف السدیری نے سفارتخانے میں فلسطینیوں کے لیے افتتاحی پروگرام کا افتتاح کیا گیا۔

خیال رہے کہ دنیا بھرمیں کورونا وائرس کی وبا سے ہونے والی اموات2 لاکھ44ہزار سے تجاوز کرگئی ہیں جن میں سے پچاسی فیصد سے زائد ہلاکتیں یورپ اور امریکہ میں ہوئی ہیں۔

تازہ ترین اعدادوشمار کے مطابق دنیا بھر میں کوروناوائرس سے متاثرہ چونتیس لاکھ اناسی ہزار 875 افراد میں سے دو لاکھ چوالیس ہزار پانچ سو چھیانوے افراد جان کی بازی ہار گئے ہیں۔

براعظم یورپ وباء سے سب سے زیادہ متاثر ہوا ہے جہاں پندرہ لاکھ سولہ ہزار چھ سو پینتیس متاثرہ افراد میں سے ایک لاکھ اکتالیس ہزار 475 اموات ہوئی ہیں۔

یورپی ملک اٹلی دوسرا ملک ہے جہاں وائرس سے بے پناہ ہلاکتیں ہوئیں، اب تک یہ وائرس اٹلی میں 28,710 انسانوں کی جانیں لے چکا ہے، اور 2 لاکھ 9 ہزار سے زائد لوگ وائرس سے متاثر ہوئے، جن میں سے 80 ہزار مریض صحت یاب ہوئے، اور 15 سو کے قریب مریضوں کی حالت اب بھی تشویش ناک ہے۔