امریکی صدر ڈونلد ٹرمپ کے لیے بری خبر، ٹرمپ کو کورونا وائرس کے خلاف جنگ میں غلط پالیسیاں لے ڈوبیں۔

تفصیلات کے مطابق تازہ سروے میں کہا گیا ہے کہ نومبر میں ہونے والے انتخابات میں عبرتناک شکست ٹرمپ کی منتظر ہے جبکہ کئی جیتی ہوئی ریاستیں بھی ان کے ہاتھ سے نکل جائیں گی۔

ایک طرف کورونا کے وار، دوسری طرف بدترین معاشی یلغار سارے نسخے اور چین پر الزامات، سب دھرے رہ گئے۔

آکسفورڈ اکنامکس کی جانب سے جاری کردہ نیشنل الیکشن ماڈل کے مطابق رواں سال نومبر کے امریکی انتخابات میں ٹرمپ عبرتناک شکست کے لیے تیار ہوجائیں۔

ماڈل کے مطابق کورونا وائرس پر غلط پالیسیوں اور بدترین معاشی صورتحال کی وجہ سے ٹرمپ کا پاپولر ووٹ 55 فیصد سے کم ہو کر 35 فیصد رہ گیا ہے۔

اور یہ کسی بھی صدر کی گزشتہ ایک صدی میں بری ترین پرفارمنس ہے۔
یہی نہیں بلکہ ٹرمپ کیلئے ایک اور دھچکا، ریاستوں کی بنیاد پرسروے میں بھی انہیں شکست کا سامنا ہوگا۔

ماڈل کے مطابق انہیں الکیٹورل کالج کے 210 ووٹ کے مقابلے میں 328 ووٹ سے شکست ہونے کا امکان ہے۔

ماڈل کے مطابق سات بڑی ریاستیں آئیوا، وسکونسن، مشی گن، پنیسلوانیا، اوہائیو، میسوری اور نارتھ کوریلینا کا جھکاؤ اب ری پبلکین سے ڈیموکریٹس کی جانب ہے۔