دنیا بھر میں جاری عالمی وبائی صورتحال  اس وقت نشیب و فراز میں ہے جس کے باعث گزشتہ 24 گھنٹوں میں کورونا کے مرض میں مبتلا مریضوں کی ہلاکت کی تعداد 3 لاکھ کے قریب پہنچ گئی ہے جب کہ پوری دنیا میں سینتیس لاکھ سے زائد افراد  متاثر ہوچکے ہیں۔

گزشتہ 24 گھنٹوں میں امریکہ میں نئی دو ہزار  سے زائد ہلاکتیں ریکارڈ  ہوئیں، یہاں اب تک 72 ہزار سے زائد اموات اور 12 لاکھ سے زائد متاثرین رپورٹ ہوچکے ہیں ۔

امریکہ کے ساتھ برطانیہ میں  بھی  نئی اموات کی تعداد بڑھ گئی، یہاں 600 سے زائد ہلاکتیں ہوئیں ہیں  جس کے ساتھ کل ہلاکتوں

 کی تعداد اٹلی سے زیادہ یعنی انتیس ہزار  چار سو تک پہنچ گئی ہے۔

فرانس میں بھی تین سو تیس افراد موت کی نیند سوگئے جبکہ اٹلی  میں دو سو چھتیس افراد اور اسپین میں ایک سو پچاسی  افراد جانوں سے چلے گئے۔

جرمنی میں بھی کورونا سے اموات کا سلسلہ جاری ہے اب تک ہونے والی اموات کی تعداد 6 ہزار 993 سے بڑھ گئی ہے جب کہ کورونا کے مریضوں کی تعداد 1 لاکھ 67 ہزار سے تجاوز کر گئی ہے۔

ترکی میں بھی کورونا کے وار جاری ہیں۔ گزشتہ 24 گھنٹے کے دوران مزید 59 افراد موت کے منہ میں چلے گئے جس کے بعد اموات کی تعداد 3 ہزار 5 سو  سے تجاوز کر گئی۔

ایران میں کورونا نے مزید 63 افراد کی جان لے لی جس کے بعد ایران میں کورونا سے اب تک 99 ہزار970 افراد متاثر ہوئے اور ہلاکتوں کی تعداد 6 ہزار تین سو سے بڑھ گئی ہے۔