کورونا وائرس کی تباہ کاریوں میں خطرناک حد تک اضافہ ہوگیا ہے۔دنیا بھر میں کورونا وائرس سے ہونے والی اموات  تین لاکھ سے تجاوز کر گئی ہیں ۔

 تفصیلات کے مطابق کورونا وائرس کی عالمی وباء دنیا کے 200 سے زائد ممالک میں پھیل چکی ہے جس میں 3،25،239   افراد ہلاک ہوچکے ہیں جبکہ متاثرہ افراد کی تعداد 50 لاکھ  4 ہزار سے تجاوز کر گئی  ہے۔

دوسری جانب اس وائرس کو شکست دے کر صحت یاب ہونے والے مریضوں کی تعداد 19لاکھ 72 ہزار سے زائد ہوگئی ہے۔

اس مہلک وائرس کے سب سے زیادہ مصدقہ مریض امریکہ میں ہیں جہاں 15 لاکھ 71 ہزار سے زائد افراد متاثر ہیں جبکہ مرنے والوں کی تعداد 93 ہزار 500 سے تجاوز کرگئی ہے۔

روس میں 3 لاکھ 8 ہزار سے زائد افراد متاثر جبکہ 2 ہزار 900 سے زائد افراد ہلاک ہوچکے ہیں۔اسپین میں متاثرہ مریضوں کی تعداد 2 لاکھ 78 ہزار سے تجاوز کرگئی  ہے جبکہ 27 ہزار  700 سے زائد افراد لقمہ اجل بن چکے ہیں۔

 برازیل میں 2 لاکھ 71 ہزار سے زائد افراد متاثر ہیں جبکہ 17 ہزار  900 سے زائد افراد ہلاک ہوچکے ہیں۔برطانیہ میں مریضوں کی تعداد 2 لاکھ 48 ہزار سے تجاوز کرگئی  ہے جبکہ 35 ہزار   300 سے زائد اموات ہوچکی ہیں۔

اٹلی میں 2لاکھ 26 ہزار سے زائد افراد متاثر جبکہ 32 ہزار   سے زائد افراد ہلاک ہوچکے ہیں۔فرانس  میں مریضوں کی تعداد 1 لاکھ 80 ہزار سے تجاوز کرگئی ہے جبکہ اموات  28 ہزار سے تجاوز کر چکی ہیں۔

جرمنی میں متاثرہ مریضوں کی تعداد 1 لاکھ 77 ہزار سے زائد جبکہ ہلاکتوں کی تعداد  8 ہزار سے تجاوز کرگئی ہے۔ ترکی میں متاثرہ مریضوں کی تعداد 1 لاکھ 51 ہزار سے تجاوز کرگئی ہےجبکہ ہلاکتوں کی تعداد 4 ہزار  سے تجاوز کرگئی ہے۔

ایران میں مصدقہ مریضوں کی تعداد ایک لاکھ  24 ہزار سے تجاوز کرگئی ہے جبکہ اموات کی تعدا 7 ہزار سے تجاوز کرگئی ہیں۔ بھارت میں 1 لاکھ 6 ہزار سے زائد مریض  ہیں جبکہ 3 ہزار سے زائد ہلاکتیں ہوچکی ہیں۔

پیرو میں 99  ہزار 400 سے زائد مریض جبکہ 2 ہزار  900 سے زائد ہلاکتیں ہوچکی ہیں۔  چین میں  متاثرہ مریضوں کی تعداد  82 ہزار 900 سے تجاوز کرگئی ہے جبکہ 4ہزار 600 سے زائد ہلاکتیں ہوچکی ہیں۔

کینیڈا میں 79 ہزار سے زائد مریض  ہیں جبکہ 5 ہزار   900 سے زائد اموات ہوچکی ہیں۔  سعودی عرب میں مریضوں کی تعداد 59 ہزار سے تجاوز کرگئی ہے جبکہ جبکہ 329 افراد ہلاک ہوچکے ہیں۔

بیلجیم میں 55 ہزار  900 سے زائد مصدقہ مریض  ہیں جبکہ 9 ہزار  سے زائد اموات ہوچکی ہیں۔میکسیکو میں 54 ہزار 300 سے زائد مصدقہ مریض جبکہ 5 ہزار 600 سے زائد افراد ہلاک ہوچکے ہیں۔

پاکستان میں  45 ہزار 800 سے زائد مریض ہیں جبکہ ایک ہزار کے قریب اموات ہوچکی ہیں۔ نیدرلینڈز میں 44 ہزار  200 سے زائد افراد متاثر جبکہ ہلاکتوں کی تعداد 5ہزار  700 سے زائد ہو گئی ہے۔