امریکی صدر ٹرمپ نے اپنے ایک بیان میں کہا ہے کہ رواں سال کے آخر تک ویکسین تیار کرلیں گے، کسی اور ملک نے ویکسین بنائی تو خوشی ہوگی۔

غیرملکی نیوز ادارے کو ایک انٹرویو میں امریکی صدر ٹرمپ نے نہ صرف پورے امریکہ کو ستمبر تک کھولنے بلکہ کورونا کے خاتمے کے دن کا بھی بتادیا ہے اور بتایا کہ اگلا سال امریکی معیشت کے  لئے غیرمعمولی تجارت کا سال  ہوگا۔

امریکی صدر ٹرمپ کہتے ہیں کہ ستمبرتک پورے ملک کے اسکول کالجز اور جامعات کھول دی جائیں گی جبکہ ساحل سمندر بھی کھلیں گے۔

انہوں نے بتایا کہ پارکس کھل رہے ہیں، ساحل کھل رہے ہیں کیونکہ کسی مقام پر تو ہمیں ملک کو کھولنا ہے اور پہلی چیز جو مجھ کرنا ہے وہ یہ ہے کہ مجھے ملک کو واپس لانا ہے۔

ان کا کہناتھا کہ ملک کو واپس لانا ہے جہاں یہ پہلے تھا اور شاید اس سے زیادہ میرے خیال میں اگلا سال ہمارے لئے غیر معمولی تجارت کا سال ہوگا اور ویکسین بھی  آئے گی اور یہ ہو کہ وائرس بھی گزر جائے گا۔

انٹرویو میں سوال کیا گیا کہ کیا واپس  آئے گا؟ تو امریکی صدر نے جواب میں بتایا کہ ہوسکتا ہے ، شاید کیونکہ بعض لوگ کہتے ہیں ہاں۔

امریکی صدر نے بتایا کہ بارک اوباما اور جو بائیڈن نے کچھ نہیں کیا ہمارے پاس وینٹی لیٹر نہیں تھے، ہمارے پاس ٹیسٹنگ نہیں تھی کچھ نہیں تھا، مجھے ورثے میں سب خالی ملا، فوج بھی اسلحے سے خالی ملی تھی۔