سول ایوی ایشن نے اندرون ملک فضائی سفر کرنے والوں کے لیے ہدایات نامہ جاری کردیا ہے۔

سعودی عرب کے شعبہ ہوابازی (سول ایوی ایشن) کی جانب سے جاری کردہ ہدایات میں کہا گیا ہے کہ طبی ماسک اور سینیٹائزر استعمال کرنا لازمی ہوگا  جبکہ  ماسک نہ پہننے والے کو بورڈنگ کی اجازت نہیں دی جائے گی۔

سول ایوی ایشن کی جانب سے جاری ضوابط بارے کہا ہے کہ اندرون ملک فضائی سفر کرنے والوں کے لیے لازمی ہے کہ وہ طبی ماسک اور دستانے استعمال کریں، مسافر فلائٹ سے 2 گھنٹے قبل ایئر پورٹ پر پہنچیں ۔

ایئرپورٹ پر آنے والے تمام مسافروں کا درجہ حرارت مانیٹرکیاجانالازمی ہے وہ مسافر جو درجہ حرارت چیک کرانے سے انکار کریں گے یا ماسک استعمال نہیں کریں گے انہیں سفر کرنے کی اجازت نہیں ہو

سعودی عرب کے شعبہ ہوابازی نے اندرون ملک پروازوں پر سفر کرنے والوں کےلیے مفصل ہدایات نامہ جاری کردیا جس پرعمل کرنا ہر ایک پر لازم ہوگا۔

پاکستان نے بین الاقوامی فضائی آپریشن بحال کردیا

سول ایوی ایشن کی جانب سے جاری قواعد میں کہا ہے کہ دستانے اور ماسک دوران پرواز اور جہاز سے اترنے کے بعد بھی استعمال کیے جائیں جبکہ ملک بھر کے تمام ہوائی اڈوں پر سینیٹائزر کی فراہمی یقینی بنائی گئی ہے تاکہ مسافر ہاتھوں کو مستقل طور پر سینٹائز کرسکیں ۔

ایوی ایشن کی جانب سے جاری کیے جانے والے ایس او پیز میں کہا گیا ہے کہ ایئرپورٹ پر آنے والے تمام مسافروں کا درجہ حرارت مانیٹرکیاجانالازمی ہے، وہ مسافر جو درجہ حرارت چیک کرانے سے انکار کریں گے یا ماسک استعمال نہیں کریں گے انہیں سفر کرنے کی اجازت نہیں ہوگی اور اندرون ملک سفر کے لیے ٹکٹ آن لائن ہی خریدے جاسکیں گے۔

 سول ایوی ایشن کی جانب سے مملکت کے تمام ایئر پورٹس کی انتظامیہ کو ہدایت کی گئی ہے کہ وہ ایئرپورٹ کی ہر 3 گھنٹے بعد سینیٹائزنگ کے عمل کویقینی بنائیں جبکہ سول ایوی ایشن کی جانب سے تمام ایئر پورٹس پر ماسک اور دستانے تلف کرنے کےلیے خصوصی ڈرمز رکھے گئے ہیں جن میں استعمال شدہ ماسک یا دستانے ڈالے جاسکتے ہیں اور مسافروں کو جاری کی جانے والی ہدایات میں کہا گیا ہے کہ وہ دستانے یا طبی ماسک ان ڈرمز میں ہی ڈالیں۔