ایرانی پارلیمانی اسپیکر علی لاریجانی نے کہا ہے کہ کورونا وباء کے خلاف جنگ میں ایرانی پارلیمان پاکستانی عوام سے یکجہتی کا اعلان کرتی ہے۔

تفصیلات کے مطابق ایرانی پارلیمانی اسپیکر علی لاریجانی  نے ہفتے کے روز اسپیکر قومی اسمبلی اسد قیصر کے لیے جلد صحتیابی کا پیغام بھجوایا جس میں ان کا کہنا تھا کہ میں آپ کو جلد صحت یابی کی نیک تمنائیں ہدیہ کرتا ہوں۔

اس موقع پر کی پارلیمنٹ کے اسپیکر علی لاریجانی نے قومی اسمبلی کے اسپیکر اسد قیصر کی صحت یابی اور تندرستی کی دعا کرتے ہوئے کورونا وائرس سے جاں بحق ہونے والے پاکستانیوں سے ہمدردی کا اظہار کیا اور دنیا بھر کے مسلمانوں کی کورونا وائرس سے محفوظ کی بھی دعا کی ۔

ایرانی پارلیمانی اسپیکر علی لاریجانی نے کہا کہ پاکستان میں کورونا وائرس وباء کے خلاف جنگ میں ایرانی پارلیمان پاکستانی عوام اور پارلیمان سے یکجہتی کا اعلان کرتی ہے۔

یاد رہے اس سے قبل اسپیکر قومی اسمبلی اسد قیصر بھی کورونا کا شکار ہوگئے تھے۔

سماجی رابطے کی ویب سائٹ ٹوئٹر پر اپنے جاری پیغام میں اسد قیصر کا کہنا تھا کہ اُن کا کورونا وائرس کا ٹیسٹ مثبت آگیا ہے۔

انہوں نے مزید کہا تھا کہ انہوں نے خود کو اپنے گھر میں قرنطینہ کرلیا ہے۔

اسپیکر قومی اسمبلی اسد قیصر بھی کورونا کا شکار

اسپیکر قومی اسمبلی نے پوری قوم سے درخواست کرتے ہوئے کہا تھا کہ وہ احتیاط کریں۔

واضح رہے اسلامی جمہوریہ ایران کی پارلیمنٹ کے سربراہ علی لاریجانی کرونا وائرس کا شکارہوئے تھے ، علی لاریجانی میں کورونا وائرس کی معمولی علامات پائی گئی جبکہ ان کا ٹسٹ مثبت آنے کے بعد انہیں قرنطینہ میں رہنے کا مشورہ دیا گیا تھا۔