کورونا کو شکست دینے والے ممالک پھر کورونا کی لپیٹ میں

سید قاسم رضا

16th Jun, 2020. 03:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کورونا کو شکست دینے والے ممالک پھر کورونا کی لپیٹ میں

کورونا کو شکست دینے والے ممالک میں یہ وباء پھر سے سر اٹھانے لگی۔

غیر ملکی خبر رساں ادارے کے مطابق نیوزی لینڈ میں 3 ہفتوں بعد کورونا وائرس کے دو نئے کیسز سامنے آگئے ہیں۔دونوں کیسز غیر ملکی افراد کے ہیں۔

نیوزی لینڈ میں 2 خواتین میں کورونا وائرس کی تشخیص ہوئی ہے۔ وائرس سے متاثرہ دونوں خواتین کا تعلق برطانیہ سے ہے ۔

دونوں خواتین کو ویلنگٹن میں جنازے میں شریک ہونے کی اجازت دی گئی تھی ۔

رپورٹ مثبت آنے پر دونوں خواتین کو ہوٹل کے کمروں میں قرنطینہ کردیا گیا ہے اور ہوٹل اسٹاف کا بھی ٹیسٹ کیاجائےگا۔

یاد رہے کہ گذشتہ ہفتے وزیراعظم جیسنڈا آرڈرن نےنیوزی لینڈ کو کورونافری قراردیاتھا۔

دوسری جانب اس وباء کے آغاز والے ملک چین میں بھی کافی عرصے بعد 40 نئے کیسز رپورٹ ہوئے ہیں۔

چینی صحت کمیشن کا کہنا ہے کہ 32 کیسز مقامی جبکہ 8 کیسز غیر ملکی افراد کے ہیں ۔

واضح رہے کہ چین میں کورونا وائرس کو شکست دے کر لاک ڈاؤن ختم کرکے ایس او پیز کے تحت زندگی معمول پر آچکی ہے۔