ایرانی پاسداران انقلاب کی القدس فورس کے سربراہ جنرل قاسم سلیمانی کے قتل میں ملوث سی آئی اے جاسوس کو پھانسی دے گا۔
غیر ملکی خبر رساں ادارے کے مطابق ایران کی عدلیہ کے ترجمان نے اعلان کیا ہے کہ ایران کے ایک شہری ، جس نے مبینہ طور پر امریکی سنٹرل انٹیلی جنس ایجنسی (سی آئی اے) کو جنرل قاسم سلیمانی کے بارے میں معلومات فراہم کی تھیں، کو پھانسی دی جائے گی۔
عدلیہ کے ترجمان نے کہا کہ سی آئی اے اور اسرائیلی انٹیلیجنس سروس’موساد ‘کے جاسوس محمود موسوی مجد کو سزائے موت سنائی گئی ہے۔
واضح رہے کہ ایرانی القدس فورس کے سربراہ جنرل قاسم سلیمانی 3 جنوری کو بغداد ایئرپورٹ کے قریب ایک امریکی ڈرون حملے میں جاں بحق ہوگئے تھے۔
جنرل قاسم سلیمانی کے قتل کے نتیجے میں تہران اور واشنگٹن کے مابین کشیدگی میں بڑے پیمانے پر اضافہ ہوا تھا ۔ ایران نے جوابی کارروائی کرتے ہوئے امریکی فوجیوں کے زیر استعمال دو عراقی فوجی اڈوں پہ فضائی حملے کیے تھے۔
Advertisement
ان حملوں میں 100 سے زائد امریکی فوجیوں کو شدید دماغی چوٹیں آئی تھیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
