نیوزی لینڈ میں کورونا کی وبا ختم ہوگئی

تنویر علی

08th Jun, 2020. 06:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیوزی لینڈ میں کورونا کی وبا ختم ہوگئی

نیوزی لینڈ کی حکومت نے ملک کو کورونا وائرس سے پاک قرار دیتے ہوئے منگل سے ملک کو معمول پر لانے کا اعلان کردیا ہے۔

غیر ملکی خبر رساں ادارے کے مطابق نیوزی لینڈ کی خاتون وزیر اعظم جیسنڈا آرڈرن نے اعلان کیا ہے کہ کورونا وائرس پر قابو پا لینے کے بعد تمام تر پابندیوں اور ہنگامی اقدامات کو منگل سے ختم کیا جارہا ہے لیکن بین الاقوامی سرحدوں کی بندش برقرار رہے گی۔

تفصیلات کے مطابق مطابق نیوزی لینڈ میں کورونا کی وبا ختم ہوگئی ہے، تمام مریض صحتیاب ہوگئے ہیں جبکہ 17 روز سے کوئی نیا کیس سامنے نہیں آیا اور اس وقت ایک بھی شخص کورونا سے متاثر نہیں۔

نیوزی لینڈ کی وزارت صحت نے آج ایک بیان میں اعلان کیا کہ 28 فروری کے بعد پہلی مرتبہ ایسا ہوا ہے کہ ملک میں کوویڈ-19 وائرس کا کوئی کیس ریکارڈ نہیں کیا گیا۔

وزیراعظم جیسنڈا آرڈرن نے بتایا کہ جب انہوں نے طبی حکام سے سنا کہ ملک میں اس وقت ایک بھی فعال کیس نہیں تو وہ خوشی سے جھوم اٹھیں۔

اس موقع پر انہوں نے اپنے عوام کا شکریہ ادا کرتے ہوئے کورونا سے پہنچنے والے نقصان کی تلافی اور معاشی بحال کا عزم کیا۔