پاکستان بھر میں جس وقت دنیا بھر سے فلائٹ آپریشن معطل کیا جارہا وہیں اتحاد ایئرلائنز کی جانب سے پروازوں میں اضافہ کردیا گیا ہے۔

تفصیلات کے مطابق اتحاد ایئرلائن کی جانب سے اعلان کیا گیا ہے کہ غیر ملکی ائیر لائن اتحاد ائیرویز نے 16 جولائی سے پاکستان کے لئے اپنی پروازوں میں اضافہ کردیا ہے۔

اعلانیئے کے مطابق اتحاد ائیر ویز پاکستان کے لئے ہفتہ وار 12 پروازیں آپریٹ کرے گی جس میں سے لاہور کے لئے 7 ،اسلام آباد کے لئے 2 اور کراچی کے لئے 3 پروازیں آپریٹ کی  جائیں گی۔

ایئرعربیہ کا پاکستان کے لیے فلائٹس آپریشن کا آغاز

اتحاد ائیر ویز کی جانب سے پاکستان بھر سے جانے والے مسافروں کے لئے نئی ٹریول ایڈوائزری بھی جاری کر دی گئی ہے۔

نئ ایڈوائزری کے مطابق اب سے غیر ملکی ائیر لائن اتحاد ائیرویز سے پاکستان سے سفر کرنے والے مسافروں کیلئے بھی کورونا ٹیسٹ کرانا لازم قرار دے دیا گیا ہے۔

ایڈوائزری کے مطابق پرواز سے قبل مسافروں کو 96 گھنٹے کے اندر اپنا ٹیسٹ کروانا پڑے گا البتہ یہ شرط 16 جولائی سے ہی لاگو ہوگی۔

ترکش ایئرلائن کا پاکستان کے لئے بڑا اعلان

تاہم اتحاد ائیرویز سے سفر کرنے کے لئے اتحاد ایئرلائن نے چغتاتی لیبارٹریز سے کروایا جانے والا ٹیسٹ ہی قابل قبول قرار دیا ہے۔

یاد رہے کہ اس سے قبل ورونا سے بہتر ہوتی صورتحال کے پیش نظر غیرملکی ایئرلائن ایئرعربیہ کی جانب سے سی اے اے ایئرپورٹ منیجر کو خط لکھا گیا ہے جس میں ان کی جانب سے واضح کیا گیا ہے کہ ایئر عربیہ نے پاکستان کے لیے دوبارہ فلائٹس آپریشن شروع کردیا ہے۔

جبکہ ترکش ایئرلائن کی جانب سے 2 جولائی سے پاکستان کے لیے دوبارہ فضائی آپریشن شروع کرنے کا فیصلہ کیا گیا تھا۔

پاکستان میں تعینات ترکی کے سفیر مصطفیٰ یورداخل نے سماجی رابطے کی ویب سائٹ ٹوئٹر پر اعلان کرتے ہوئے بتایا کہ اگلے ماہ جولائی سے ترکش ایئر لائن پاکستان کیلئے دوبارہ براہ راست فضائی آپریشن شروع کر رہی ہے۔