چینی وزارت خارجہ نے کہا ہے کہ امریکہ ڈبلیو ایچ او سے دستبرداری کا اعلان کرچکا ہے۔

تفصیلات کے مطابق ترجمان چینی وزارت خارجہ نے سماجی رابطے کی ویب سائٹ ٹویٹر پر اپنے ایک پیغام میں کہا کہ امریکاچین اورڈبلیو ایچ اوکے مابین تعاون سے متعلق غیرضروری تبصرے کرنے کی کسی پوزیشن میں نہیں۔

Having withdrawn from WHO, the US is in no position to make unwarranted comments on China-WHO cooperation. If the US really cares about global #COVID19 response, it should first fulfill its international obligations and responsibilities and work with WHO. Can US do that? pic.twitter.com/GBMrlQi5is

— Spokesperson发言人办公室 (@MFA_China) July 10, 2020

اپنے بیان میں ترجمان چینی وزارت خارجہ نے مزید کہا کہ کیا امریکہ ڈبلیو ایچ او کے ماہرین کوکورونا وائرس کی صورتحال دیکھنے کیلیےاپنے ملک میں آنے کی اجازت دےسکتا ہے اور اگر امریکہ کو عالمی سطح پر کورونا پر ردعمل کی پرواہ ہے تو اسے پہلے اپنی بین الاقوامی ذمہ داریوں کو نبھانا چاہئے اور ڈبلیو ایچ او کے ساتھ مل کر کام کرنا چاہئے۔

یاد رہے اس سے قبل امریکا میں کورونا کے کیسز میں اضافے کے باوجود وائٹ ہاؤس نے باضابطہ طور پر اقوام متحدہ کو عالمی ادارہ صحت چھوڑنے کے بارے میں آگاہ کردیا تھا۔

غیر ملکی خبررساں ادارے  کے مطابق امریکا نے عالمی ادارہ صحت سے باضابطہ طورپر دست بردار ہونے کیلئے نوٹس سیکریٹری جنرل اقوام متحدہ انتونیو گوٹریس کو پہنچا دیا جس کی تصدیق وائٹ ہاؤس نے کردی تھی۔

امریکا نے ڈبلیو ایچ او سے الگ ہونے کا نوٹس جاری کر دیا

ٹرمپ انتظامیہ کے ایک سینئر عہدیدار نے بتایا تھا کہ دست برداری کے لئے ایک سال پہلے نوٹس دیا جاتا ہے۔ اس لئے امریکا 6 جولائی 2021ء تک ڈبلیو ایچ او سے علیحدگی اختیار نہیں کرسکتا۔

خیال رہے کہ  صدر ٹرمپ  نے اپریل میں ڈبلیو ایچ او کی فنڈنگ بند کردی تھی اورایک ماہ بعد کہا تھا کہ امریکا تنظیم کو چھوڑنے کا ارادہ رکھتا ہے۔ انھوں نے ڈبلیو ایچ او پر کورونا وائرس کی وبا کو سنبھالنے کے معاملے میں چین کے حق میں متعصب قرار دیتے ہوئے اصلاحات کا مطالبہ کیا تھا۔

ڈبلیو ایچ اوکے قواعد کے مطابق کسی بھی ملک کو تنظیم چھوڑنے سے پہلے ایک سال کا نوٹس دینا ضروری ہے۔ اگر صدر ٹرمپ نومبر کے الیکشن میں ہار گئے تو پھر اگلے صدر کو اس بارے میں فیصلہ کرنا پڑے گا۔