بھارتی ریاست تامل ناڈو میں دھماکے کے نتیجے میں 6 افراد ہلاک اور 17 زخمی ہوگئے۔

بھارتی میڈیا کے مطابق بھارت کی ریاست تامل ناڈو میں پاور پلانٹ میں ذور دار دھماکا ہوا جس کے نتیجے میں 6 افراد جان کی بازی ہار گئے جبکہ 17 افراد زخمی ہوگئے۔

بھارتی حکام کا کہنا ہے کہ دھماکا اس وقت ہوا جب مزدور پلانٹ کو دوبارہ فعال کررہے تھے، دھماکے میں زخمی ہونے والے افراد کی عمریں 25 سے 42 سال کے درمیان ہیں جبکہ 11 مزدوروں کی حالت انتہائی تشویش ناک ہے اور ان کا جسم 40 فیصد سے زیادہ جل چکا ہے۔

بھارتیہ جنتاپارٹی (بی جے پی) کے صدر اور وزیرداخلہ امیت شاہ نے ہلاکتوں پر افسوس کا اظہار کرتے ہوئے کہا کہ تامل ناڈو کے وزیراعلیٰ سے بات ہوئی ہے اور انہوں نے مکمل تعاون کا یقین دلایا ہے۔

سماجی رابطے کی ویب سائٹ ٹوئٹر پر اپنے پیغام میں بھارتی وزیرداخلہ نے کہا کہ تامل ناڈو میں نیویلی پاورپلانٹ میں دھماکے کے نتیجے میں ہلاکتوں پر افسو ہوا اور تامل ناڈو کے وزیراعلیٰ نے ہرممکن تعاون کا یقین دلایا ہے۔

شادی کے دوسرے روز دولہا کورونا سے ہلاک، مہمان بھی وائرس کا شکار

امیت شاہ نے کہا کہ امدادی کام کے لیے سی آئی ایس ایف موقع پر موجود ہے اور زخمیوں کی فوری صحت یابئ کے لیے دعا گو ہیں۔

یاد رہے کہ این ایل سی بھارت میں 6 ہزار میگاواٹ سے زائد بجلی پیدا کرنے والا پلانٹ ہے، جس میں ملازمین کی تعداد 26 ہزار ہے، جن میں کنٹریکٹ پر کام کرنے والے 14 ہزار مزدور بھی شامل ہیں جبکہ بھارت کے این ایل سی پاورپلانٹ میں روان برس یہ دوسرا دھماکا ہے، اس سے قبل مئی میں اسی طرح کا دھمکا ہوا تھا اور کم ازکم 6 افراد ہلاک ہوئے۔