سعودی ولی عہد محمد بن سلمان نے امریکی صدر ڈونلڈ ٹرمپ سے ٹیلیفون پر رابطہ کیا ، جس میں خطے کی صورت حال اور مشترکہ باہمی امور پر بات چیت کی گئی۔

امریکی صدر نے سعودی فرمانروا شاہ سلمان کی خیریت دریافت کی اور نیک خواہشات کا اظہار کیا۔

ٹیلی فونک رابطے میں صدر ڈونلڈ ٹرمپ اور سعودی ولی عہد محمد بن سلمان کے درمیان علاقائی جبکہ بین الاقوامی امور پر بھی تبادلہ خیال کیا گیا۔

 یاد رہے کہ  سعودی فرمانروا  شاہ سلمان بن عبدالعزیز اس وقت اسپتال میں زیر علاج ہیں۔

شاہی محل سے جاری ہونے والے بیان میں کہا گیا تھا کہ سعودی فرمانروا شاہ سلمان کو طبی معائنے کے لیے کنگ فیصل اسپیشلسٹ اسپتال میں داخل کیا گیا ہے جہاں ڈاکٹرز کی ٹیم فرمانروا کا معائنہ کر رہی ہے۔

وزیر اعظم کا سعودی فرمانروا شاہ سلمان کی طبعیت ناسازی پر تشویش کا اظہار

واضح رہے کہ سعودی فرماں روا شاہ سلمان بن عبدالعزیز 31 دسمبر 1935 ءکو پیدا ہوئے، وہ 2015 میں سعودی عرب کے بادشاہ بنے تھے، اس سے قبل وہ48 سال تک ریاض کے ڈپٹی گورنر اور گورنر بھی رہے۔

شاہ سلمان بن عبدالعزیز سعودی عرب کے وزیردفاع بھی رہ چکے ہیں ، انہیں 2012ء میں سعودی عرب کے بادشاہ کے طور پر نامزد کیا گیا تھا،2015 میں ان کے بھائی عبداللہ کی موت کے بعد انہیں بادشاہت ملی۔