کویت کی جانب سے دنیا بھر کے 31 ممالک کی پروازوں پر نئی پابندیاں عائد کردی گئیں ہیں۔

تفصیلات کے مطابق کویت نے31ممالک کی پروازوں پرتاحکم ثانی پابندی لگادی ہے، اس ضمن میں کویت کی جانب سے نوٹیفکیشن بھی جاری کردیا گیا ہے۔

کویتی سول ایوی ایشن کے مطابق پابندی ان ممالک میں کوروناکیسز بھڑنے کے باعث لگائی گئی ہے اور پابندی کے بعد پاکستان، بھارت،سری لنکا،چین،ایران سمیت 31ملکوں کےشہریوں پر کویت میں داخلے پر پابندی ہوگی۔

دوسری جانب کویت میں آج سےکمرشل پروازوں کی جزوی بحالی پر عملدرآمد کا بھی آغاز ہوگا جبکہ کویت میں مارچ سے بین الاقوامی پروازوں کا سلسلہ بند تھا۔

کویت نے جزوی طور پر سفری پابندیاں ختم کردیں

خیال رہے کہ بین الاقوامی میڈیا رپورٹس کے مطابق کابینہ بیٹنگ کے بعد حکومت نے سفری پابندیاں اٹھانے کا اعلان کرتے ہوئے کہا کہ یکم اگست سے کویت کے شہری اور رہائشی ملک سے باہر اور واپس آ سکتے ہیں تاہم 7 ممالک کے افراد پر ملک میں داخلے پر پابندی برقرار رہے گی۔

پابندی والے ممالک کی لسٹ میں پاکستان، بھارت، فلپائن، بنگلادیش، نیپال، ایران اور سری لنکا شامل ہیں۔ان ممالک کے افراد پر کویت کے دروازے فی الحال بند رہیں گے۔

کویت نے مارچ میں کورونا وبا کا پھیلاؤ روکنے کے لیے انٹرنیشنل پروازوں پر پابندی عائد کر دی تھی تاہم ملک سے واپس جانے والوں کے لیے خصوصی پروازیں چلائی جارہی تھیں۔