سابق سپہ سالار پاک فوج اور موجودہ سربراہ مسلم اتحاد افواج جنرل ریٹائرڈ راحیل شریف نے کہا ہے کہ کشمیر کی آزادی تک حکومت پاکستان، پاکستانی قوم اور افواج پاکستان جدوجہد جاری رکھیں گے۔

تفصیلات کے مطابق سعودی دارالحکومت ریاض میں یومِ دفاعِ پاکستان کی مناسبت سے ڈپلومیٹ کوارٹر میں تقریب منعقد کی گئی جس میں سفیر پاکستان راجہ علی اعجاز، ملٹری اتاشی اور ریٹائرڈ جنرل راحیل شریف سمیت نے بھی شرکت کی۔

یومِ دفاع کی اہمیت کے حوالے سے جنرل راحیل شریف نے کہا کہ یہ وہ دن ہے کہ جب پاکستان کی نڈر اور بہادر افواج نے وطنِ عزیز پر ہونے والے بیرونی حملے کو کامیابی سے ناکام بناتے ہوئے اپنی پاک سرزمین کا دفاع کیا تھا۔

سابق سپہ سالار پاک فوج اور موجودہ سربراہ مسلم اتحاد افواج جنرل ریٹائرڈ راحیل شریف نے مزید کہا کہ کشمیر کی آزادی تک حکومت پاکستان، پاکستانی قوم اور افواج پاکستان جدوجہد جاری رکھیں گے۔

اس موقع پر سفیر پاکستان راجہ علی اعجاز نے افواج پاکستان کی کارکردگی کو سراہتے ہوئے خراج تحسین پیش کیا اور کہا کہ یہ دن قومی اور عسکری تاریخ کا ایسا روشن باب ہے جس میں پاکستانی عوام اور فوج نے متحد ہو کر ملکی دفاع کو یقینی بنایا

ملٹری ڈیفنس برگیڈیر ہارون راجہ نے کہا کہ پاک آرمی نے ہمیشہ اپنی پیشہ ورانہ صلاحیتوں کی بدولت ملکی دفاع کو یقینی بنانے کے ساتھ خطے میں امن کے لئے بھی اپنا بہترین کردار ادا کیا ہے۔

تقریب کے اختتام پر یومِ دفاع کے حوالے سے کیک بھی کاٹا گیا۔