ایرانی صدر روحانی نے کہا ہے کہ اس وقت کے امریکی حکمران انسانیت سے بھی بے بہرہ ہیں۔
تفصیلات کے مطابق ایرانی صدر کی جانب سے کورونا مخالف مہم سے متعلق قومی کمیٹی کے اجلاس سے خطاب میں کہنا تھا کہ وائٹ ہاؤس کے موجودہ حکمرانوں کے پاس انسانیت نام کی کوئی چیز نہیں ہے۔
صدر روحانی نے کہا ہے کہ دواؤں اور کورونا ویکسین تیار کرنے کے لئے پانچ ارب ڈالر کے قرضے سے متعلق ایران کی درخواست کی بھی امریکا نے مخالف کی اور اس کو نامنظور کر دیا گیا ہے۔
انہوں نے بتایا کہ ایران کی رقم بعض امریکی دوست ملکوں کے بینکوں میں بھی موجود ہے جبکہ بینکوں نے امریکہ کی مخالفت کی بنا پر ایران کی یہ رقم دینے سے گریز کیا ہے اور دنیا کی پوری تاریخ میں ایسے جرم کی کوئی مثال نہیں ملتی ہے۔
ایرانی صدر کا کہنا تھا کہ کورونا کے دور میں بھی ایرانی قوم کے خلاف امریکہ کی ظالمانہ پابندیاں جاری رہیں ہیں لیکن تمام مسائل اور سختیوں کے باوجود ایران نے بہترین طریقے سے کورونا وبا کا مقابلہ کیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
