سال 2020میں مستقل پریشانیوں کے بعد دنیا بھر کے مسلمانوں کے لئے خوشی کی خبر سامنے آئی ہے، سعودی عرب نے عمرے کی ادائیگی بحال کرنے کا فیصلہ کرلیا۔
سعودی حکومت کی جانب سے عمرہ کی ادائیگی بحال کرنے کا فیصلہ کرلیا گیا ہے تاہم مرحلہ وار بحالی جلد شروع ہو گی اس ضمن میںلائحہ عمل طے کرلیا گیا ہے۔
سعودی خبر رساں ادارے کے مطابق وزارت حج وعمرہ نے حفظان صحت کے ضوابط کی پابندی اور کورونا احتیاط کے ساتھ عمرہ اور اس کے سفر کی بتدریج بحالی کے پروگرام کو حتمی شکل دیدی ہے اور جلد عمرہ سروس کا آغاز ہوجائے گا۔
عمرے کی سعادت حاصل کرنے کے خواہش مندوں کو سعودی عرب پہنچنے پر کورونا ٹیسٹ کی رپورٹ پیش کرنا ہوگی, زائرین کی اسکریننگ کی جائے گی اور معمولی علامت پر بھی دوبارہ ٹیسٹ کیا جائے گا۔
اس حوالے سے وزارت حج و عمرہ ایک ایپ جاری کرے گی جس کے ذریعے عمرہ کے خواہشمند افراد اپنی آسانی کو پیش نظر رکھتے ہوئےعمرہ ادا کرنے کی تاریخ اور وقت کا تعین کریں گے۔
Advertisement
عمرہ پروگرام میں 30 سے زیادہ سعودی اور عالمی کمپنیوں کو کام کا موقع دیا جائے گا۔
یاد رہے کہ سعودی عرب میں کورونا وبا کے باعث 26 فروری سے عمرے اور مسجد نبوی کی زیارت کے لیے سعودی عرب آمد پر تاحکم ثانی عارضی پابندی عائد تھی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
