کورونا وبا میں ایک بار پھر شدت آنے لگی ہے جس نے کئی ممالک کو اپنی لپیٹ میں لے لیا ہے۔
تفصیلات کے مطابق دنیا بھر میں کورونا مریضوں کی تعداد میں تیزی سے اضافہ جاری ہے، مریضوں کی تعداد تین کروڑ ستر لاکھ اور اموات دس لاکھ ستر ہزار سے تجاوز کر گئی ہیں۔
یورپ میں کورونا کے واز تیز ہوگئے، ایک روز میں ریکارڈ ایک لاکھ کیسز سامنے آگئے ہیں جبکہ برطانیہ،روس اور فرانس میں کورونا سے زیادہ لوگ متاثر ہورہے ہیں۔
جرمنی میں کیسز میں تیزی آگئی، جرمن چانسلر نے خبردار کیا ہے کہ اگر صورت حال یہی رہی تو پھرملک بھر میں سخت پابندیاں لگانا پڑیں گی۔
برطانیہ میں ایک ہفتے میں کیسز کی تعداد دوگنا ہوگئی ہے، ملک بھرمیں مریضوں کی تعداد پانچ لاکھ اکسٹھ ہزار اور اموات بیالس ہزار سے اوپر چلی گئی ہیں۔
Advertisement
روس میں ایک بار پھر کورونا کے وار تیز ہونے لگے ہیں، ایک روز میں ریکارڈ بارہ ہزار سے زائد کیسز رپورٹ ہوئے جس کے بعد مجموعی مریضوں کی تعداد بارہ لاکھ اور اموات بائیس ہزار سے تجاوز کر گئی ہیں۔
بھارت میں گزشتہ چوبیس گھنٹوں کے دوران ستر ہزار سے زائد لوگ کورونا سے متاثر ہوئے ہیں جس کے بعد مریضوں کی تعداد انہتر لاکھ اور ہلاکتیں ایک لاکھ چھ ہزار سے بڑھ گئی ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
