اوآئی سی وزراخارجہ کونسل کے سینتالیسویں اجلاس میں جموں وکشمیرکے مسئلے پرمتفقہ قراردادمنظور کرلی گئی۔

تفصیلات کے مطابق اسلامی کانفرنس تنظیم او آئی سی نے کشمیر کاز کی بھرپور حمایت کا اعادہ کرتے ہوئے 5 اگست2019 کے یک طرفہ اور غیرقانونی بھارتی اقدامات کو سختی سے مسترد کردیا ہے۔

اوآئی سی کا بھارت سے متنازعہ جموں وکشمیر میں ڈومیسائل کے قوانین منسوخ کرنے کا مطالبہ بھی کیا ہے اور کہا ہے کہغیرکشمیریوں کو ڈومیسائل کا اجراءمنسوخ کیاجائے۔

اوآئی سی کی قرارداد میں آر ایس ایس بی جے پی حکومت کی پالیسیز کو مسترد کردیاگیا ہے اور مطالبہ کیا ہے کہ بھارت متنازعہ خطے میں آبادی کا تناسب تبدیل کرنے کے اقدامات سے باز رہے۔

اوآئی سی کی غیرقانونی طورپر بھارت کے زیرقبضہ جموں وکشمیر میں قابض بھارتی افواج کی انسانی حقوق کی پامالیوں کی شدید الفاظ میں مذمت کرتے ہوئے کہا ہے کہ بے گناہ کشمیریوں پر ناقابل بیان مظالم کی وجہ بھارتی دہشت گردی کے واقعات ہیں۔

او آئی سی کی قرارداد کے مطابق قابض بھارتی افواج بے گناہ شہریوں کے خلاف پیلٹ گنز کا استعمال روکیں اور بھارت انسانی حقوق سے متعلق عالمی ذمہ داریوں کو پورا کرے۔

اوآئی سی کی قرارداد میں واضح کیا گیا ہے کہ عالمی برادری بھارت کے ساتھ اپنے روابط کاجائزہ لے کیونکہکشمیر کا سوال امت مسلمہ کے لئے نہایت اہمیت کا حامل ہے اور جموں وکشمیر کا مسئلہ پاکستان اور بھارت میں بنیادی تنازعہ ہے۔