اسرائیل کا یو اے ای میں سفارت خانہ کھولنے کا اعلان

ویب ڈیسک

14th Dec, 2020. 11:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسرائیل کا یو اے ای میں سفارت خانہ کھولنے کا اعلان

اسرائیل کی جانب سے آئندہ ماہ تک متحدہ عرب امارات میں سفارت خانہ کھولنے کا اعلان کردیا گیا ہے۔

غیر ملکی خبر رساں ایجنسی کے مطابق اسرائیلی وزارت خارجہ نے آئندہ سال جنوری تک متحدہ عرب امارات میں سفارت خانہ اور قونصل خانے کھولنے کا عندیا دے دیا ہے۔

اطلاعات کے مطابق سفارتخانہ کا افتتاح رواں ماہ دسمبر کے آخر میں کردیا جائے گا تاہم اس حوالے سے ایک اسرائیلی وفد گزشتہ ہفتے عرب امارات کے دورہ پر تھا جہاں سفارت خانہ کے لیے جگہ کا معائنہ کیا گیا تاہم ابھی جگہ کا فیصلہ نہیں کیا گیا ہے۔

اسرائیل سے موصولہ میڈیا رپورٹس نے سفارتی ذرائع کے حوالے سے بتایا ہے کہ یہ سفارت خانہ “واشنگٹن ، لندن اور ماسکو کے سفارت خانوں کی حد تک بھی بڑا ہوسکتا ہے۔

سرائیلی وزارت خارجہ کے ترجمان کا کہنا ہے کہ یہ تو نہیں کہا جاسکتا کہ سفارتی مشن پوری دنیا میں سب سے بڑا ہوگا تاہم سفارت خانہ اور قونصل خانہ واقعی میں بہت بڑے ہوں گے۔