جشن نوروز، بہار کے آغاز کی علامت ہے جس پر گوگل نے بھی اپنا ڈوڈل پھولوں سے سجالیا ہے۔

اقوامِ متحدہ نے بھی نوروز منانے والے ممالک سے یکجہتی کے اظہار کے لئے رنگ برنگ پھولوں بھری تصویر اپنے ٹوئٹر اکاؤنٹ پر شیئر کی ہے۔

Every year, #Nowruz is celebrated as a day of hope & renewal.

At a time of global anxiety as countries around the world are addressing the #COVID19 pandemic, our thoughts & solidarity are with all those marking Nowruz. https://t.co/5XHXxJzHfa pic.twitter.com/bhG8JkiQpa

Advertisement

— United Nations (@UN) March 19, 2021

ایرانی کلینڈر کے مطابق نو روز سال نو اور بہار کا ایک ساتھ استقبال کرنے کا دن ہے اور یہ دن مغربی چین سے ترکی تک کروڑوں لوگ 20 مارچ کو مناتے ہیں۔

یہ دن ایران، افغانستان، تاجکستان، ازبکستان، پاکستان، بھارت کے کچھ حصوں اور شمالی عراق اور ترکی کے کچھ علاقوں میں کیلنڈر سال کے نقطہ آغاز کا بھی دن ہے۔

اس دن خصوصی دعاؤں کا اہتمام کیا جاتا ہے، گھروں میں پھولوں کی سجاوٹ کی جاتی ہے اور خصوصی پکوانوں کا اہتمام کیا جاتا ہے۔

نوروز کا تہوار دنیا بھر میں متنوع نسلی و لسانی گروہ مناتے ہیں جبکہ مغربی ایشیا، وسط ایشیا قفقاز، بحیرہ اسود اور بلقان میں یہ تہوار 3000 سالوں سے منایا جا رہا ہے۔