امریکی صدرجوبائیڈن نے ملک میں فائرنگ کے پُرتشددواقعات کی روک تھام کے لئے محدود اقدامات کا اعلان کیا ہے۔
تفصیلات کے مطابق امریکی صدر جوبائیڈن نے محکمہ انصاف کو گھوسٹ گنز اور کٹس کی منتقلی روکنے کا قانون تجویز کرنے کا حکم دے دیا ہے۔
پُرتشدد واقعات میں متاثرہ خاندانوں سے خطاب کرتے ہوئے امریکی صدرجوبائیڈن نے ان اقدامات کو اندھا دھند فائرنگ، قتل اور خودکشی کے واقعات کی روک تھام کی جانب پہلا قدم قرار دیا ہے۔
انہوں نے کہا ہے کہ نئے اقدامات کے تحت محکمہ انصاف کو پُرتشدد واقعات میں ملوث گروہوں کیخلاف کارروائی کا خصوصی اختیا ردیا گیا ہے۔
خیال رہے کہ اس سے قبل امریکی ریاستوں میں فائرنگ کے دو مختلف واقعات میں سات افراد ہلاک ہوئے اور متعدد زخمی ہوگئے ہیں۔
Advertisement
پہلا واقعہ کیرولینا کے شہر راک ہل میں پیش آیا جہاں مسلح شخص نے فائرنگ کر کے پانچ افراد کو ہلاک اور چھ کو زخمی کرکے خودکشی کرلی تھی۔
فائرنگ کا دوسر واقعہ ٹیکساس میں پیش آیا جہاں گولیاں لگنے سے ایک شخص ہلاک جبکہ پانچ زخمی بھی ہوئے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
