
جنوبی افریقا سے ہالینڈ کے دارالحکومت ایمسٹرڈیم پہنچنے والی 2 پروازوں کے 61 مسافروں میں کورونا وائرس کی تصدیق ہوگئی۔
ڈچ حکام کے مطابق اِن مسافروں کو ایئرپورٹ کے قریب واقع ہوٹل میں قرنطینہ میں رکھا گیا ہے۔ یہ اُن دو پروازوں کے 600 مسافروں میں سے ہیں جنہیں آمد کے بعد کورونا ٹیسٹ کیلیے کئی گھنٹے تک ایئرپورٹ پر روکا گیا۔
ڈچ حکام اس خدشے کے پیشِ نظر کہ کہیں ان میں نئے کورونا ویریئنٹ ’’اومیکرون‘‘ کے کیسز تو نہیں، ان مسافروں کے مزید ٹیسٹ بھی کروا رہے ہیں۔
کورونا وائرس کا نیا ویریئنٹ 24 نومبر کو جنوبی افریقا میں سامنے آیا تھا جسے عالمی ادارہ صحت نے گزشتہ روز ’’اومیکرون‘‘ کا نام دیا۔
اس ویریئنٹ کے سامنے آنے کے بعد گزشتہ 24 گھنٹوں کے دوران دنیا کے بیشتر ممالک نے جنوبی افریقا کے خطے سے آنے والی پروازوں پر سفری پابندیا ں عائد کردی ہیں۔
ہالینڈ بھی اُن یورپی ممالک میں سے ایک ہے جو کورونا وائرس سے متاثرہ مریضوں کی ریکارڈ تعداد سے نمٹ رہے ہیں۔
ہالینڈ میں تمام ثقافتی و سیاحتی مقامات کو 19 دسمبر تک شام 5 بجے سے صبح 5 بجے تک بند رکھنے کیلیے لگائے گئے جزوی لاک ڈاؤن میں اتوار کو توسیع کی جائے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News