افغان دارالحکومت کابل میں فوجی اسپتال کے قریب یکے بعد دیگرے دو دھماکوں میں کم از کم 8 افراد ہلاک ہوگئے ہیں ۔
غیر ملکی خبر رساں ادارے کے مطابق کابل میں سردار محمد داؤد خان ملٹری اسپتال کے قریب پہلے ایک دھماکہ ہوا جس کے بعد علاقے میں شدید فائرنگ کی آوازیں بھی سنی گئیں۔
مقامی میڈیا کی رپورٹس کے مطابق کچھ ہی دیر بعد پہلے سے زیادہ زوردار دھماکے کی آواز سنی گئی ہے اور فائرنگ کا سلسلہ ابھی جاری ہے۔
مقامی اسپتال ذرائع کا کہنا ہے کہ اب تک 8 افراد ہلاک ہوچکے ہیں جبکہ متعدد زخمی ہوئے ہیں۔
طالبان حکومت کی جانب سے ابھی تک کوئی رد عمل سامنے نہیں آیا ہے نہ ہی کسی عسکری تنظیم نے حملے کی ذمہ داری قبول کی ہے۔
Advertisement
واضح رہے کہ گذشتہ ماہ کندوز کی ایک مسجد میں نماز جمعہ کے دوران ہونے والے دھماکے میں 55 افراد جاں بحق ہوئے تھے۔ امریکی فوج کے انخلاء کے بعد اب تک افغانستان میں ہونے والا یہ سب سے جان لیوا حملہ تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
