روسی صدر کا مغرب پر یوکرین تنازع کو بڑھاوا دینے کا الزام

مہدی قاضی

18th Nov, 2021. 10:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

روسی صدر کا مغرب پر یوکرین تنازع کو بڑھاوا دینے کا الزام

روسی صدرولادیمیرپیوٹن نے مغرب پر بحیرۂ اسود میں فوجی مشقوں کے ذریعے یوکرین تنازع کو بڑھاوادینے کا الزام عاید کرتے ہوئے کہا ہے کہ مغربی ممالک اپنے لڑاکا بمبار روس کے سرحدی علاقے میں اڑا رہے ہیں۔

صدر پیوٹن نے جمعرات کو وزارت خارجہ میں ایک تقریر میں کہا کہ ’ہمارے مغربی شراکت دار کیف (یوکرین) کو جدید مگرمہلک ہتھیار مہیا کرکے کشیدگی کو بڑھاوا دے رہے ہیں۔اس کے علاوہ وہ بحیرہ اسود میں اشتعال انگیز فوجی مشقیں بھی کررہے ہیں۔‘

انہوں نے یہ دعویٰ بھی کیا ہے کہ ’مغربی بمبار ہماری سرحد سے صرف 20 کلومیٹر دورفضا میں اڑ رہے ہیں ۔‘

قبل ازیں بدھ کو امریکی وزیردفاع لائیڈ آسٹن نے کہا تھا کہ روس مشرقی یوکرین کی سرحد کے نزدیک فوجی کمک بھیج رہا ہے۔پینٹاگان نے اس پیشرفت کی جانب اپنی توجہ مرکوز کی ہے۔